【06年香港小姐】徐菁遙與沈卓盈預早慶祝36歲生日 住4000呎連天台豪宅裝修勁奢華

尋日，徐菁遙（前名徐淑敏）喺社交平台上載新相，相中嘅佢拎住名牌手袋，去咗尖沙咀一間餐廳同沈卓盈預祝自己36歲生日。就嚟36歲嘅徐菁遙保養得宜，外表依然少女味濃，唔少網民都大讚：「女神好漂亮」 、「仲係咁靚女」、「好靚」。

{{hket:inline-image name="14.png"}}{{/hket:inline-image}}

(徐菁遙instagram圖片)

{{hket:inline-image name="15.png"}}{{/hket:inline-image}}

(徐菁遙instagram圖片)

{{hket:inline-image name="16.png"}}{{/hket:inline-image}}

(徐菁遙instagram圖片)

徐菁遙係公屋出身，2006年參加香港小姐競選時被視為大熱門，最後佢落選，只得旅遊大使一獎。入行後，佢拍過唔少劇集、綜藝節目，可愛臉孔為佢吸納咗唔少粉絲。後來佢嫁畀大佢12年嘅商人黃浩，育有3個分別係10歲、8歲、6歲嘅囡囡。雖然徐菁遙漸漸淡出娛樂圈，甚少出席公開活動，但佢平日嘅生活依然多姿多采。早前佢去過世界知名嘅廚師學府「藍帶」學廚，學跳芭蕾舞，仲創立自己嘅天然護膚品牌生意，成為一名商人。後來佢將旗下品牌以8位數字出售，再次回歸富貴少奶奶嘅生活。

{{hket:inline-image name="12.png"}}{{/hket:inline-image}}

(徐菁遙facebook圖片)

徐菁遙不時更新社交平台，見佢周圍去旅行、嘆茶、做美容，生活寫意。除此之外，佢平時住緊嘅單位都相當豪華。佢住喺大埔比華利山，一幢4層高連天台嘅4000呎獨立屋。佢間屋嘅裝修充滿氣派，廚房用白色、銀色做主色，花咗200萬裝修，隔籬仲有幾個魚缸，令佢哋一家長期可以食到新鮮嘅海鮮，令人嘆為觀止。

{{hket:inline-image name="19.png"}}{{/hket:inline-image}}

(奇妙電視截圖)

去到2樓飯廳會見到可以同時坐到10幾個人嘅長飯枱，上面有幾盆花做裝飾，加上燈火昏暗，好有情調，猶如一個私人宴會廳。徐菁遙曾經上奇妙電視節目講過張飯枱係專門訂製，張凳係用米色皮革製造，連餐具都畫咗好複雜嘅花紋，係非常名貴。

{{hket:inline-image name="17.png"}}{{/hket:inline-image}}

(奇妙電視截圖)

{{hket:inline-image name="18.png"}}{{/hket:inline-image}}

(奇妙電視截圖)

樓上兩層係睡房，徐菁遙同老公嘅主人房參考咗酒店裝修，面積有成600呎。裡面有間私人Spa房，有張做Spa嘅專用床、兩間沖涼房、兩個洗臉嘅地方，另外枱上放咗唔同精油。出到去會有張L型長梳化，畀徐菁遙做完Spa休息，好似成間貴婦級美容院咁，非常誇張。隔籬就係徐菁遙同老公嘅衣帽間，裝修華麗，櫃上裝咗多塊連身鏡，鍾意研究衣服穿搭嘅徐菁遙成日喺呢度換靚衫自拍，放上社交平台畀大家欣賞。

{{hket:inline-image name="22.png"}}{{/hket:inline-image}}

(奇妙電視截圖)

{{hket:inline-image name="23.png"}}{{/hket:inline-image}}

(奇妙電視截圖)

去天台花園會見到有張L型嘅梳化，仲有間狗屋畀徐菁遙嘅愛犬「小白」住。天台仲有私家農莊，種植多款植物。天台望落好寬敞，徐菁遙足不出戶都能夠帶小白散步。地下亦有個小花園，擺咗幾張長凳同飯枱，方便徐菁遙同老公邀請朋友嚟BBQ聚會。

{{hket:inline-image name="21.png"}}{{/hket:inline-image}}

(奇妙電視截圖)

{{hket:inline-image name="20.png"}}{{/hket:inline-image}}

(奇妙電視截圖)

撰文：張芷晴
責任編輯：楊安莉