【人神共憤】大埔貓隻疑被掟落樓吐血死亡 主人無影善心街坊夾錢送最後一程

繼今年2月深井豪景花園有狂徒高處掟死20多隻寵物，獲律政司不起訴「放生」後，大埔廣福里昨晚（12日）亦發生貓隻疑被掟落樓案件。有途經街坊發現貓隻疑從高處墮地發出悲鳴後，立即向附近獸醫診所職員求助，惜貓隻被送診所急救後最終傷重不治。目前，警方暫將案件列作殘酷虐待動物調查處理。

「大埔墟有人掉貓貓落街，貓貓而家喺仁德有冇人可以幫幫手？我完全唔知點做……」發現貓隻的女街坊昨晚在Facebook群組「Tai Po 大埔」發帖，指自己在晚上7時左右，途經大埔墟四方公園時，見到有數名街坊正在圍觀望地，

「我好奇望一望，就見到貓貓已經係瞓咗喺地上……我都未等得切圍觀嘅人答我乜事，我就已經用盡我嘅氣力大叫上樓上，問樓上有冇人養貓呀你隻貓跌咗落街呀，但大叫咗好多次都冇人回應……」

深井29隻寵物遭掟落樓案件，體育教師自首律政司不提起訴，詳情即睇：【下一頁】

由於貓隻倒臥位置與對上唐樓有一段距離，因此一眾街坊認為「貓貓係自己唔小心跌落樓嘅機會真係好低」。由於貓貓不斷抽搐及吐血，街坊立即致電附近的仁德動物診所；大約10多分鐘後，兩名診所姑娘趕到現場，在眾人協助下將貓隻救走，

「真係做唔岀視而不見，所以我就跟埋兩位姑娘到診所睇下有乜可以為貓貓做到，一連串嘅報價費用同主人係邊個呢啲問題我都冇理了，最緊要救咗貓貓先……誰叫我遇到你，救就救啦唔理錢住喇！」

其後，雖然醫生及姑娘被全力搶救，惜貓貓最終仍傷重不治。所幸世上仍有好心人，事主、診所多名姑娘、一對同在事故現場的善心情侶決定齊齊夾錢，一起送貓貓最後一程，

「雖然我同貓貓完全唔認識，但我真係唔忍心佢最後一程都係要掉去垃圾桶，所以決定幫佢搵善終等貓貓好走……當下真係好感動，因為貓貓嘅最後一程係有帶住愛離開的。」

最後，事主提醒大眾切勿傷害動物，「最後都係嗰句，可以不愛，但請不要傷害！再一次感謝仁德嘅醫生同姑娘們，為貓貓岀心岀力嘅街坊。貓貓，Rest in peace。」

大埔多名區議員關注事件，其中大埔墟區議員林名溢表示，事件中無人目睹事發過程；而運頭塘區議員黃兆健亦表示現正跟進事件，並呼籲目擊事發經過的人士聯絡他。

繼赤柱後兩日內第2宗，南丫島沙灘驚現2膠籠藏12貓狗屍，疑與海上走私案有關，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴