【地球好危險】驚女兒手指篤入「電親」 港媽公審巴士公司座位設USB充電 「可唔可以用腦諗嘢？」

巴士椅背等位置的USB充電位，令手機等電子產品得以續航，相信對不少乘客來說猶如「救命」恩物。惟一名港媽卻在網上「公審」巴士公司，斥責竟然在椅背設USB充電位，擔心女兒會將手指「篤」入「電親」，「巴士公司可唔可以用腦諗嘢？」

「痴線㗎，真係要投訴！」近日網上流傳一則「公審」帖文，內容為一名港媽，對於巴士座位設置USB充電位而感到不滿，

「今日同阿女坐巴士先發現，巴士竟然响座位裝電插座，有冇諗過會電親小朋友？」

幼子無戴口罩遭拒載，港爸網上公開Uber司機資料 公審不成反被「圍攻」，詳情即睇：【下一頁】

接著，她更認為設置USB充電位是多此一舉、毫無意義，「裝插座淨係方便啲人打機，有咩實際意義」。最後她又大罵，此舉是妄顧小朋友安全，

「就嚟開學啦，小學生篤手指入仲會電埋旁邊的人，超危險！巴士公司可唔可以用腦諗嘢？」

帖文在網上被瘋傳開去，不少網民均對港媽的一番言論感到無奈，反斥港媽有問題，「與時並進，真係好重要」、「5v 點會電死人呀」、「佢個細路可算奇人：手指插得入USB、可以俾USB電死」、「咁樣……巴士內係咪要熄燈，可能會曬親」、「身教吖……會唔會身體力行，先教好自己嘅小朋友啦，唔好亂咁周圍摸」、「做人真係要帶腦諗嘢」。

此外，更有大批網民揶揄道：「今日差啲畀屋企粒電芯電死咗」、「快啲搵水泥灰封咗你手機同平版啲叉電位先，我驚一陣電死你」、「真係好危險，啲電流容乜易好似雷神個戰釜咁，發射電流出黎電死成車客」、「屋企成屋電插座，起樓裝修嗰班人有冇用腦諗嘢㗎，知唔知會電親細路㗎，好危險㗎嘛。」

尼龍袋裝男嬰30C高溫下「散步」，險致中暑非常母親一句辯解，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴