馬德鐘的22歲囝囝馬在驤首次接拍無綫劇集《我家無難事》，今日兩父子一齊出席記者會，雖然是父子檔上陣，不過原來今次在驤飾演爸爸馬德鐘的年輕版，所以兩父子並沒有對手戲，亦不會同場演出。馬在驤出席記者會時表現難免緊張，當現場安排大合照時，馬在驤不知道應該企咩位置，有點不知所措，身為爸爸的馬德鐘未有安排他站在身邊第一排，反而即時指向後面，叫在驤站在最後排，絕對沒有偏私。
【我家無難事】馬德鐘首次父子檔上場拍新劇 馬在驤高大弗爆成廣告商寵兒【下一頁】
(圖片：《晴報》林良明攝影)
(圖片：《晴報》林良明攝影)
今次《我家無難事》是監製王心慰炮製的全新喜劇，同劇除了馬在驤是星二代之外，原來劇中亦有不少的「星二代」甚至係「星三代」，大家數得出來嗎？
鮑起靜、馮素波
鮑姐與波姐同樣是好戲之人，原來她們以往合作不多，但私底下都是「飯腳」，不時會約食飯聚舊。鮑姐爸爸是資深演員鮑方，而波姐的爸爸馮峰則是知名的演員兼導演。對於兩位都是星二代，鮑姐接受《晴報》訪問時說：「我當年入行冇咁困難，國語片有個訓練班，讀完就入行，感覺又唔係好大壓力。」而波姐笑稱爸爸是導演，自己在戲班和電影的後台長大，感覺比較順理成章，她說：「邊會有壓力呀？總算做好個戲，唔失禮老竇咪得囉，做人做事唔失禮父母就可以，大家位置唔同，演技亦都無得比較。（爸爸畀評語你？）我爸爸從來冇讚過我，只係教我唔好嫌戲少，每一場都做。當時我30幾歲，佢話我唔會有機會，叫我坐到40歲先去演電視劇，做人阿媽、做人阿嫲。」
(圖片：《晴報》林良明攝影)
(圖片：《晴報》林良明攝影)
鮑姐則說：「我爸爸成日都叫我減肥，因為當年我的確幾肥，佢話女演員一肥的話，就會冇乜角色可以演，瘦啲先會適合啲。我嗰代同樣好早就演媽媽，30歲已經演人阿媽。作為演員盡力去做，從來都唔覺得自己係明星。」
(圖片：網上圖片)
(圖片：網上圖片)
阮浩棕、胡㻗
阮浩棕的嫲嫲是已故藝人梁舜燕，曾經在無綫工作過幾年，後來北上發展，現時跟邵氏簽約，再次接拍劇集。阮浩棕表示初入行的時候的確有壓力，他說：「依家入行6至7年，又返大陸工作過，慢慢習慣咗呢一個係身份亦係事實，唔使有壓力，只要做好自己，星三代呢一刻可能會叨佢光，唯有盡力做好，對得住呢個稱呼。」阮浩棕提到嫲嫲時一度感觸眼濕濕，他表示：「我曾經好想有一日係佢被俾人叫做阮浩棕嘅嫲嫲，不過我知道我冇可能做到，但希望天上面嘅佢睇到我嘅努力。」
左是阮浩棕、右為胡㻗。(圖片：《晴報》林良明攝影)
(圖片：《晴報》林良明攝影)
胡㻗的爸爸是前藝人胡越山，不過父母早已分開，他直言自己壓力甚大，事關同劇都是大前輩，而且算是比較多戲份的一次，所以會向同母異父的哥哥羅天宇多多請教，希望可以做好今次的角色。
梁舜燕去年8月不幸離世，享壽90歲。(圖片：東星娛樂)
胡越山年輕時都非常瀟灑有型。(圖片：網上圖片)
車婉婉
車婉婉的母親為1960年代粵語片演員車綺芬，曾經有傳聞指她的爸爸是張英才，不過當事人否認。車婉婉是歌手出道，後來接觸戲劇後愈演愈順，過往在《皆大歡喜》、《牛下女高音》和《大醬園》等的演出都獲觀眾大讚。
(圖片：東星娛樂)
責任編輯：楊安莉