郭富城陪方媛睇《麥路人》齊爆喊

郭富城、楊千嬅、鮑起靜（鮑姐）及張達明等，昨晚出席電影《麥路人》首映禮。城城表示近期疫情令大家產生負面情緒，雖然有指新片比較悲情，但他強調其實充滿正能量。城城自爆早前同太太方媛在英國睇首映時，結果一齊爆喊。城城又特別感謝萬梓良，二人相隔30年再合作，大讚對方敬業樂業，可惜萬梓良身在廣州，無法及時回港參與宣傳。身旁的千嬅笑言：「我本身都係『陌路人』，因為同戲中所有人都係第一次合作，但感覺並不陌生，感受到團隊精神及劇本嘅張力，仲遇到一班好對手。」

此外，鮑姐曾與湯唯合演《月滿軒尼詩》，湯唯的韓籍導演丈夫金泰勇最近拍攝新作《Wonderland》，找來鮑姐與湯唯飾演兩母女，提到在韓國拍戲，鮑姐興奮表示︰「我飾演一位中國人，會講普通話、少少韓文同英文，湯唯在拍攝期間招待我喺佢屋企住，片場有架餐車，好似成個廚房搬咗去外景咁，淨係泡菜都有十幾款。」鮑姐更自爆今次與孔劉、朴寶劍等韓星合作，雖然對手戲不多，但已經被他們電暈。

採訪︰Pauline

攝影︰林良明