【重男輕女】港女月入1.3萬畀$7000家用 為理想開店辛苦4年儲13萬 父母逼全數為爛賭兄還債

現今社會提倡男女平等，但不少長輩仍然重男輕女。一名港女日前在網上自述悲慘過往，指自己從小便不被父母重視，踏入社會後每月需給予過半數人工薪金作家用；縱然努力儲錢欲開店圓夢，卻因為哥哥爛賭，欠下賭價，而被父母強迫要以畢生積蓄為哥哥還債。最終，全副身家僅剩4,400元的她決意離家出走，「呢13萬我想當做最後一次為呢個家付出。」

Facebook專頁「辦公室日報」昨日（14日）刊登讀者「欣」的投稿，她表示自己在重男輕女的家庭中長大，哥哥雖然「爛賭」又不務正業，但父母對他的容忍度卻很高，「試過有親戚朋友介紹工作畀佢都唔做，起碼7年冇做嘢，主要職責就係賭錢，賭波賭馬樣樣齊」；而哥哥的賭本，其實來自事主交給父母的家用，

「唔返工邊有錢賭？佢嘅賭本咪就係我畀屋企嘅家用囉！」

父母索過半數人工當家用

事主透露自己學歷低，畢業後一直失業，後來到便利店打工月入1.3萬元，每月卻被父母索取$7000家用。不過，人窮志不短，扣除基本開支包括車費、伙食費外，為了擁有一間屬於自己美甲店，事主亦會報讀美甲、修眉與化妝等課程，而剩餘的錢則會儲起來用作創業資金。

事主慨嘆為了節省開支，月尾不時需要三餐「捱麵包」，形容自己為儲錢已盡力，「有時覺得自己算係咁」。可惜，哥哥「賭癮」大，除了「每個月攤大手板問屋企攞錢」，有時更會額外向家人索錢；而父母的解決方法，便是用其他理由向事主索取更多家用，導致她的儲錢計劃被拖延：

「好多時唔止畀7,000，搞到儲錢儲得好慢。」

爛賭哥哥欠債十幾萬

最終，事主花了足足4年成功儲到13.4萬元左右，有感已盡力的她遂下定決心發展自己的事業，並向父母表達意向。正當她找到心儀舖位、購買開店用的器材，並打算辭去便利店工作之際，哥哥卻向家人告知自己「賭外圍輸大錢，欠債十幾萬」，無力還債：

「後來亦真係有人上嚟屋企淋紅油，日日塞鎖匙窿同埋電話滋擾。」

然而，父母對於哥哥欠債一事，非但沒有怪責他，反而認為事主既然有錢創業，即有「閒錢」為哥哥還債；事主只好反駁並多番拒絕：

「呢啲係死慳死抵儲返嚟嘅血汗錢，入面有自己嘅人生方向。」

父母逼女兒為哥哥還賭債

結果，一晚事主父親趁她睡覺期間，突然走進房間用力扯事主的頭髮，威脅她要將所有錢取出幫哥哥，「我有反抗但唔夠佢大力，仲食咗佢幾巴掌」，而媽媽則袖手旁觀附和；最令事主心灰的是，父親竟斥罵道：「生錯咗呢個仆X女！」而當晚情景，事主至今仍然歷歷在目，

「我知道當時得兩條路行，一係畀佢打死，就算今晚唔死，聽晚後晚大後晚都隨時喺睡夢中畀人扯頭髮，另一條路就係拎晒13萬出嚟畀我阿哥還債。」

心灰意冷離家 與家人斷絕關係

事主當時心已死，更曾出現輕生的念頭；她有感父母一直沒有盡責養育她，決定將13萬當作最後一次為家人的付出，身上僅剩4,400元便離家出走。她先向朋友投靠大半個月，然後再到土瓜灣租劏房住。事主稱，雖然感到前路茫茫，但所幸終於可以自主人生，

「可能我仲未知道前路應該點行，重新再儲一嚿錢亦係好漫長嘅事，不過我起碼得到解脫，人生唔再需要為他人作嫁衣裳。」

她透露，雖然有親戚曾致電指責不孝，「丟低屋企就咁走咗去」；惟事已至此，事主僅回答「問心無愧」4字。其後，她更索性更換電話，與家人斷絕關係，

「我係一個人辦，唔夠聰明，唔夠決心，愚孝......生活本身已經唔容易，要趁早擺脫同埋遠離嗰啲垃圾人，否則將來條路會更加難行。」

繳4成人工做家用被斥「廢物」 港女被要求幫弟弟買樓 媽媽偏心：因為你唔係仔，詳情即睇：【下一頁】

內容獲「辦公室日報」授權轉載。

每朝索取《晴報》：精明生活．健康家庭．開心娛樂

撰文：林幸琦