《Tiger's Talk》陳瀅踢爆被方力申用屎橋追求 訪問頻頻搞曖昧 唐詩詠出手撮合

《Tiger's Talk》最新一集邀請到方力申、唐詩詠和陳瀅接受訪問，主持林盛斌（Bob）跟小方和唐詩詠都是好朋友，他坦言曾經為兩人介紹對象，可惜沒有成功配對，方力申表示Bob介紹的兩女, 一位喪偶，另一位則已離婚，後來都不成事。唐詩詠被網友大讚是「不能錯過的女友」，她表示就算有拖拍都不會很快公開，最快都要拍拖一年夠穩定才會考慮。方力申大讚她外表好乖巧，但詩詠私下喜歡「曳仔」，她說：「以前識嗰啲係有點貪玩，不過依家唔同咗諗法，可能學識打坐之後，反而鍾意平和啲。」Bob直言大家所知的兩位舊愛都是口花花的代表，伍詠薇追問到底有冇「食過」馬國明？詩詠斬釘截鐵說：「冇！馬明呢個人好特別，佢要搵一啲活躍啲嘅女仔，令佢好開心。」

【金牌冰人】林盛斌用兩日極速撮合「有情人」 爆唐詩詠唔領情:你上次又唔幫襯【下一頁】

{{hket:inline-image name="119457641_4601324916551930_631657606561667282_n.jpg"}}{{/hket:inline-image}}

(圖片：《Tiger's Talk》電視截圖)

{{hket:inline-image name="119481875_320476322371766_1585609576639848344_n.jpg"}}{{/hket:inline-image}}

(圖片：《Tiger's Talk》電視截圖)

陳瀅重申自己沒有收兵，自己性格好男仔、好獨立，她又否認釣金龜，她說：「其實我自己搵到錢，我過往的男朋友範圍好闊，有錢冇錢都有，因為我未清楚自己想要個點嘅人。」Bob爆料指方力申甚少單獨約女仔去食飯，陳瀅即時爆料說：「佢有同我講過，突然有一日問我可唔可以單獨同我食飯，但後來冇發生到。事件係因為疫情我由溫哥華返嚟，佢知我悶就叫我打電話畀個星座專家，師傅就話我2023、2024年會同個點點點嘅男士結婚，事後我再打電話畀方力申，同佢講師傅講過啲咩，佢話：『我都係喎！』，又話我會同個屬猴嘅一齊，原來佢就係屬猴，同我朋友分享返呢件事，大家都話小方畀咗錢個師傅。」

{{hket:inline-image name="119553127_1522797071245945_4198367114347158969_n.jpg"}}{{/hket:inline-image}}

(圖片：《Tiger's Talk》電視截圖)

{{hket:inline-image name="119165135_2605593363084450_8962259984118039772_n.jpg"}}{{/hket:inline-image}}

(圖片：《Tiger's Talk》電視截圖)

小方解釋：「鏡頭後大家都有傾點解會單身呢，我覺得我個問題係因為由細到大，我家庭好保守，由細到大都被人監視住自己，我出道年代好多狗仔隊，習慣咗收收埋埋，所以我人生同一個單身而又有機會發展嘅女仔去街，次數係一隻手都數得晒，所以我被唐詩詠同班朋友鬧，我諗住改變，所以我咪約陳瀅囉！（真係對對方一啲感覺都冇？）所以咪約佢食飯囉，都冇食到。」小方的對話之間好明顯有打算向陳瀅展開追求，可惜未能成事。

【何鴻燊出殯】陳瀅連續兩日到現身殯儀館 何猷亨陪伴離場戀情浮面【下一頁】

{{hket:inline-image name="119441676_2096080380535280_4281049709218358141_n.jpg"}}{{/hket:inline-image}}

(圖片：《Tiger's Talk》電視截圖)

Bob問到方力申是否想找上一任鄧麗欣的類型？小方說：「冇，到呢個歲數已經冇乜要求，（過去4年有冇對另一女孩子動心過？？冇冇冇。我覺得追唔到女仔，可能女仔覺得同我一齊就要埋單，（你都想結婚生仔？）其實我冇話有一定時間表，坦白講，過去我冇一段感情同我探討過結婚嘅話題，冇一個女朋友問我結婚嘅事，（對上一任都冇講？）...係到最後講都冇用呀喇！」Bob說：「小方同我講佢想要年紀細少少，因為都想結婚生仔，生兒育女，如果啲姐姐已經45歲就唔太合適囉。」小方默認說：「因為我係長子，都有啲壓力嘅。」

{{hket:inline-image name="119576547_368545671180114_2451757858911984097_n.jpg"}}{{/hket:inline-image}}

(圖片：《Tiger's Talk》電視截圖)

{{hket:inline-image name="800_31d45e9974c613fd752e0958f2d9494e.jpg"}}{{/hket:inline-image}}

(圖片：東星娛樂)

陳瀅談到理想對方，即時指向小方，大讚對方心地好，外型非常好，她又主動遞手向小方，將自己的戒指除下來遞給小方，意思是叫小方向她求婚，小方尷尬不已，只是飲酒，又將她的戒指戴上自己的尾指。小方說：「佢演技好好，佢個問題係咩，永遠唔知佢邊句真邊句假。」在場的詩詠、Bob和伍詠薇都叫小方大膽追求陳瀅，詠詩起身讓位畀小方坐在陳瀅旁邊，小方一臉尷尬兼怕醜，飲酒掩飾。伍詠薇笑他緊張到嘴都震，更稱呼他跟陳瀅是方生、方太，最終三位離場，陳瀅主動跟小方合巹交杯，「媒人」Bob亦叫陳瀅拋花球給唐詩詠，場面搞笑。

{{hket:inline-image name="119214269_326357585294707_407866528420757491_n.jpg"}}{{/hket:inline-image}}

(圖片：《Tiger's Talk》電視截圖)

{{hket:inline-image name="119648573_382418662755716_2686858800799748508_n.jpg"}}{{/hket:inline-image}}

(圖片：《Tiger's Talk》電視截圖)

{{hket:inline-image name="119249636_264434584946640_7191087913943023244_n.jpg"}}{{/hket:inline-image}}

(圖片：《Tiger's Talk》電視截圖)

責任編輯：楊安莉