易賞錢跨商戶開放平台反應佳 逾3000餐飲零售點提供優惠

社區重燃生機，全靠大家支持。黛安收到消息，易賞錢好有心，早前推出「全城有賞」18區跨商戶消費獎賞計劃，免費開放平台畀零售同餐飲商戶提供優惠。公關姊妹話，計劃反應好好，7月底開始招募後，2個星期就有300個商戶、近3,000多個餐飲及零售點，包括餐廳、時裝飾物、社企、健康食品、體育用品等商戶參與，種類夠晒多元化。

至於大家點樣先可以攞到獎賞，公關姊妹教路，只要下載易賞錢App成為會員，今日起至10月13日，認住貼有指定標誌嘅商戶，掃一掃二維碼，就可以睇到商戶有乜專屬優惠提供喇，仲可以儲埋電子印花，喺今個月29日前，到參與計劃嘅商戶消費滿$50便會獲發電子印花乙個，儲夠8個印花，仲有機會免費換到WatsMask WeCare特別版口罩㖭。

黛安睇過好多優惠都好吸引又實用，例如去6IXTY8IGHT買衫有9折；在允記買指定商品更低至4折；想醫下肚去大家樂消費滿$50，即送$18或以下特飲一杯；去Dr. Kong買正價鞋履及書包都有85折㗎。