【聲明】港生活網站並無進行電話推廣活動

受傷前拍美容廣告 阿嬌洗頭唔敢用勁熱水

發佈時間: 2020/09/16

鍾欣潼(阿嬌)早前於廈門酒店房間內不慎跌倒,撞爆右邊眉骨,事後入院縫了數百針,事業心重的她更火速復工為電影埋尾;而意外發生前,阿嬌為代言的醫療及美容公司拍攝全新廣告,展露白滑肌膚,又大談護膚心得。

阿嬌撞爆眉骨的傷口長達6cm,經過兩次縫合手術後,恐怕傷口日後會留有疤痕;不過阿嬌代言了13年的DR REBORN醫療及美容公司,在意外發生當日,即承諾會向阿嬌提供全方位援助,務求使她還原靚靚皮膚。今年六月,品牌更逆市加簽兼投放八位數字宣傳費,阿嬌為感激品牌的支持,早前就以最佳狀態拍攝全新一輯廣告。拍攝當日,阿嬌與團隊默契十足,超速完成拍攝工作,名副其實的「快、靚、正」。

開心價續約很感恩

皮膚又白又滑的阿嬌,即席分享美容心得,她侃侃而談︰「敷完mask一定要洗面,因為當皮膚吸收咗足夠水份後,如果面上仲有多餘嘅精華,就會塞住毛孔,反而有機會令到皮膚唔好。另外,唔好用勁熱嘅水洗頭,之前自己都會用好熱嘅水洗頭,但慢慢發現頭皮好痕,睇醫生後才知道,原來用熱水洗頭會將健康嘅油脂洗走,頭皮得唔到滋潤就會變乾,然後痕,所以呢個都好緊要。」

問到這次逆市加簽任代言人,阿嬌坦言感恩,她稱︰「今次可以繼續同品牌合作,好開心、好感恩。其實咁多年嚟大家一直都合作愉快,已經變咗朋友嘅關係,所以好有親切感。」至於續約酬勞,阿嬌表示是「開心價」。

撰文︰倪小珊

編輯︰黃寶恩

美術︰梁政敏

受傷前拍美容廣告 阿嬌洗頭唔敢用勁熱水

意外發生前一日,阿嬌精神飽滿,想不到翌日便跌倒受傷。

受傷前拍美容廣告 阿嬌洗頭唔敢用勁熱水

阿嬌出院後,立即趕返劇組與內地演員張睿繼續拍攝電影。(資料圖片)