【同住難】飄酸醙味如廁不關門 人妻狂呻「寄生叔仔」難頂8宗罪：佢結婚先會搬【附專家意見】

香港地少人多，加上樓價高企，令不少女士出嫁後都與丈夫家人同住，當中相處不融洽之事時有發生。日前一名人妻在網上發文抱怨，指丈夫雖然是業主，但因為叔仔未婚，於是讓他先一起同住。惟叔仔個人衛生習慣惡劣，令該名人妻難以忍受，更力數對方８大「難頂」陋習。

一名人妻周一（14日）在網上討論區「親子王國」，以「好想呻叔仔有幾恐怖」為題發文，列出對方8宗罪：

1. 去小便唔關門，行過就見到個去緊廁所嘅美麗背影
2. 洗完對波鞋，放喺廚房洗手盆度/廚房枱面
3. 手洗完啲衫，勾喺廳中間，由佢滴到成地都係水，但要有陣酸醙味
4. 鐘意大大聲播歌
5. 入屋除鞋，成地都係鞋
6. 無家教，就算同佢打招呼佢都唔打招呼
7. 啲嘢四圍放，唔畀人掂佢啲雜物，我哋都要搵位食飯，唯有夾硬食完快快收
8. 成日砰房門，真係半夜都醒晒

對此，事主形容「恐怖叔仔」的行為「真心好難頂！」，又補充丈夫亦曾表示叔仔本來如此，就算向對方反映問題，叔仔亦會裝作聽不見：「我老公每次同佢講嘢佢都扮聽唔到無視全世界」。

帖文引起網民討論，有人批評叔仔鵲巢鳩佔，並建議事主應與丈夫盡快搬走以免加深矛盾，「其實你叔仔係出緊招，想你同你老公搬走！」然而，事主回覆丈夫才是業主，「叔仔結婚就會搬，畀佢住住先」；不過對方一日尚未婚，一日仍需同住，「聽說叔仔女友一定要有樓先嫁」。

與新家庭成員磨合不容易

循道衛理觀塘社會服務處助理總幹事蔣志恒曾接受《晴報》訪問時指出，10個婚姻輔導個案中，約有兩個是與家人同住，「且多數有伴侶的兄弟姐妹同住」。他續指，同住要適應新家庭的生活習慣、作息時間及協調使用廁所等問題，原生家庭成員也要接納新成員的加入，大家磨合並不容易。他提醒，即使與配偶家人同住有異議，應由另一半「出聲」，避免產生磨擦。

新抱兩度流產傷心欲絕，奶奶關心變贈興向傷口灑鹽：「上天注定唔畀你都無辦法」，詳情即睇：【下一頁】

每朝索取《晴報》：精明生活．健康家庭．開心娛樂

撰文：林幸琦