劇集《愛回家之開心速遞》中，昨晚一集金城安（周嘉洛飾）為了捉拿醫生色魔，衝破自己曾經性騷擾的陰影，打扮成「偽娘」引醫生落搭，最終拍下醫生出手揸他的屁股的片段，一眾曾經受害的事主挺身而出指證醫生「鹹豬手」。劇集推出後，不少網友對周嘉洛的女裝極為讚賞，又指某些角度看來甚似港姐冠軍徐子珊。
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：徐子珊IG）
周嘉洛接受《晴報》專訪時，他表示自己的女裝全靠專業的化妝和服裝同事：「其實都係一個新挑戰，外形似女仔之外，我都刻意調較變得女性化少少，身材當然要有非常凸出的效果，先引色魔落搭。（靠咩扮好身材？）我有戴Bra，入面加氣球，氣球入面再裝水。」他表示今次是電視熒幕前首次扮女性，他說：「每個男人自細都會幻想過自己做女人嘅一日，我都好好奇，所以好珍惜呢一集。(網友讚你似徐子珊？)徐子珊靚好多，我塊面西瓜咁大喎，差好遠，不過多謝網友嘅讚賞，我覺得自己同我妹妹係真係幾似樣。我見到自己喉核又凸，腳毛又唔剃，膊頭又好橫，相信都唔係太吸引，起初睇Playback都怕大家會覺得嘔心，希望大家打還打，唔好打面。」
(圖片：《晴報》林良明攝影)
(圖片：《晴報》林良明攝影)
對於劇集踏入第1000集，周嘉洛是由第1集開始的靈魂人物之一，他直言非常感觸：「1000集真係好感觸，好多感受，當然得獎（《萬千星輝頒獎典禮2019》的「最佳男配角」）係一部分啦，呢個獎係屬於《愛回家》，我好慶幸係參加其中一部分，1000集以來熊家同大學線所有演員，見佢哋多過見屋企人，真係好開心。」對於賴慰玲、港姐陳楨怡等都點名想同嘉洛合作，他表示非常訝異，他說：「真架？多謝晒，好感謝佢哋，我自己都好熱愛演戲，好渴望同其他好戲之人合作，過往跟熊家或者同劇嘅好戲之人都學到好多好多嘢，多謝賴慰玲，我都好鍾意佢，好戲之人。」
(圖片：東星娛樂)
(圖片：東星娛樂)
(圖片：東星娛樂)
處境劇《愛回家之開心速遞》今晚播出第1000集，成為處境劇的一個里程碑。今午，劇中主要演員獲安排以「熊家」、「龍家」和「島大」三批人出場，他們分別展現舞功同武功，齊齊慶賀迎接1000集的大日子。率先「島大」一眾年輕演員以Hip Hop舞為活動熱鬧暖場，「龍家」上下以拉丁舞登場，除了送水輝（許家傑飾）與大小姐（林淑敏飾）外，還有龍敢威一拖二展舞功，最後「熊家」大耍金剛門的武功，中氣十足揚言劇集要努力邁向2000集。原來他們當中都是臥虎藏龍，三隻舞分別由「書蟲」林浩文，「送水輝」許家傑和「池子孝」阮政峰親自編排，認真叻叻！
(圖片：東星娛樂)
呂慧儀自認跟張景淳耍花槍。(圖片：東星娛樂)
龍家大跳拉丁舞。(圖片：《晴報》林良明攝影)
大龍生一拖二，艷福無邊。(圖片：東星娛樂)
大小姐同送水輝好襯呀！(圖片：《晴報》林良明攝影)
責任編輯：楊安莉