【聲明】港生活網站並無進行電話推廣活動

誓破《真情》紀錄 劉丹盼《開心速遞》添食到2000集

發佈時間: 2020/09/17

處境劇《愛.回家之開心速遞》昨晚播出第1000集,劉丹、單立文、滕麗名、呂慧儀、林淑敏及陳浚霆等演員,昨午齊現身將軍澳電視城參與「開心1000 Fun」曬冷活動。熊家、龍家及島大學生分別表演金剛門功夫,拉丁舞及Hip Hop,場面熱鬧。

劉丹(丹爺)在台上爆響口表示《開心速遞》將邁向2000集,他解釋這是一眾演員的意願,又表示劇集播多200集已能夠打破《真情》的紀錄,而兩個劇都有丹爺做主角。呂慧儀表示:「希望劇集長播長有,最緊要大家開開心心。」提到目前已拍攝超過1030集,呂慧儀笑言︰「如果繼續拍落去,就要辛苦編劇繼續度多啲故仔啦,監製都要搵更多嘅資料。」

前晚在劇中扮女學生緝捕色狼的周嘉洛,獲讚女裝扮相靚女,他與鄺潔楹對於劇集邁向2000集表示歡迎,嘉洛更笑言︰「其實係咪可以申請健力士世界紀錄㗎?套劇播映咁多集,相信都係歷史紀錄。」他又指「公公」劉丹應該是拍最多TVB處境劇的藝人。

劇組士氣不受影響

此外,提到《開心速遞》早前播出一集惹來黃手套風波,無綫表示會嚴肅跟進事件,而負責該場戲的導演Justin被傳遭解僱,丹爺表示︰「我一返嚟就開工,未知發生咩事,噚日我又唔使開工。其實當日並唔察覺事件發生,相信公司一定會處理得好。」呂慧儀補充說:「工作氣氛無影響,大家都係一心希望個劇拍好啲、準時啲。」

至於當日有份拍攝該場戲的陳浚霆,昨日亦有回應︰「我乜都唔知。(擔心影響劇組士氣?)絕對無,其實每日開工時間都好密,基本上都無時間諗其他嘢,一入到錄影廠就即刻埋位拍攝。」

採訪︰Pauline

攝影︰林良明

編輯:陳禮恒

美術:梁政敏

誓破《真情》紀錄 劉丹盼《開心速遞》添食到2000集

周嘉洛(左)、蘇韻姿及吳偉豪率領熊家眾人表演真功夫。

誓破《真情》紀錄 劉丹盼《開心速遞》添食到2000集

龍家成員歐瑞偉(左)、李偉健、鄭世豪及陳浚霆大跳拉丁舞。