馬浚偉本月27日是他入行27年紀念的大日子,他早已計劃好開設網上演唱會,邀請圈中的好友現身傾偈和唱歌,一齊慶祝,不少粉絲都大感期待,希望可以跟偶像一齊見證這個重要日子。不過,馬仔昨晚突然亳無預警臨急在家中開Live唱歌,而且唱足兩個多小時,原來他看到好友李明蔚的Facebook,對談間得悉她的近況,明白她希望嘗試免疫療法,所以即時開Live唱歌,更將李明蔚媽媽的聯絡附上,希望大家齊齊伸出援手,支持她。
馬浚偉疫情下消費力撐本地小店 貼地藝人好人好事多籮籮【下一頁】
(圖片:馬浚偉Facebook直播截圖)
(圖片:馬浚偉Facebook直播截圖)
(圖片:李明蔚Facebook截圖)
30歲的歌手李明蔚(Sarena)自2012起確診患上罕見癌症「腺樣囊性癌」,抗癌8年以來接受多次電療和化療,又做過多次手術,後來她的情況轉為穩定,但卻於2017年舊病復發,她因臉癱引致不能眨眼,口齒不清,腫瘤更擴散至肝、腎等器官。馬仔說:「我同李明蔚呢位小妹妹有特別嘅緣,個傻妹話自己身體愈來愈弱,其實我都知道,呢段期間一直都有保持聯絡,知佢嘅身體狀態,能夠做到嘅事唔多。佢講說話好困難,佢寫文字畀我交代身體差咗,佢頭先同我講好感恩一路身邊有班朋友好關心佢,能夠做到嘅辦法都已經做咗,既然仲係咁年輕,有機會嘅方法都想試試,佢好希望嘗試做新嘅免疫療法,但好昂貴,家人可能籌備做眾籌,我絕對支持,因為我明白好多治療真係好貴,佢屋企環境又唔係好,一定會好大壓力。」
(圖片:李明蔚Facebook)
(圖片:李明蔚Facebook)
(圖片:李明蔚Facebook)
馬仔直言Sarena能夠做的治療已經不多,他直言明白到治療很漫長,因自己媽媽的癌症治療都足足長達22年,後來妹妹同樣患癌,但幸好醫治妥當已經康復。由於家人先後患癌,所以他特別明白家屬的心情,馬仔說:「Serena 加油,好多人支持你,我明白家人好辛苦,亦會替Sarena擔心,我知你哋好難過,請畀自己難過,但難過完要繼續振作。」他表示所以自己對患癌症的人特別關心,特別是林子博的太太董燕君和最近認識的陳積榮等等。他說:「當時見到媽媽患病,真係唔知可以做啲咩,佢好緊強,從來冇喺我哋面前喊過或者嗌痛。病者辛苦,其實家人亦都好痛,見住自己親人或者最愛嘅人辛苦,唔知點幫佢,所以關懷病人同家人同樣重要。」
【住院11日】李明蔚眼皮植入白金片手術成功 出院報平安 「半身仍然麻痛」【下一頁】
(圖片:李明蔚Facebook)
(圖片:李明蔚Facebook)
馬仔以多首詩歌和正能量的歌曲隔空送給Sarena,為她打氣,特別唱兩次Sarena的作品《交換愛情》,亦呼籲大家買她的著作支持她,他說:「冇人想病,既然真係病,唯一方法係樂觀面對,盡力去醫,幾唔想接受都要接受,良好心情絕對對疾病係一個好大良藥,對打擊任何病都會有好大幫助。」
以下是Sarena 媽媽Kita的聯絡電話,如各位願意幫助Sarena,請直接以Whatsapp聯絡她的媽媽Kita!感謝感恩!電話:92731263
責任編輯:楊安莉