工作保持距離 林嘉欣被老公搭膊頭嚇親

林嘉欣茹素兩年多，最近成為素食新餐肉代言人，她搞笑說：「我終於可以有午餐肉食啦！」原來她從小被父母禁止食零食及「邪惡代表」午餐肉：「加上呢兩年為減碳而食素，所以同午餐肉幾乎畫上句號，依家有新餐肉，終於可以零罪惡感。」

嘉欣更與導演老公袁劍偉夫妻檔上陣拍廣告，不過二人在拍攝現場刻意保持距離。嘉欣解釋說：「始終係工作場合，大家想保持一啲距離，不過有一次佢唔記得咗，就好似喺屋企咁埋嚟搭住我膊頭嗌我，嚇咗我一跳，我立即彈開。」