謝東閔撑女友朱智賢復出

謝東閔（閔大人）昨日出席亞洲電競賽車錦標賽活動，提到曾涉偷食風波而遭公司「雪藏」的女友朱智賢，近日經常在社交網Po行山相，似乎急急為復出試水溫。閔大人受訪時只表示：「要問公司，大家都係做啲健康運動，我都有一齊行山！（女友準備復出幕前？）呢方面要睇公司安排，我當然支持佢復出！」

閔大人自言一向是「機迷」，曾因打機課金兩萬多元，近年由於忙拍劇而減少打機，連遊戲機也送了給朋友，他苦笑道︰「以前曾經被女友投訴我只顧打機，令對方發脾氣。」另外，同場的陳蕊蕊透露讀書時試過連續多日上網玩game，又為玩手機遊戲課金近萬元。

攝影︰林良明