【颱風照開工】許家傑難忘遇水浸率先救狗 獨居湯怡遇「山竹」勁無助

「夏天為大地帶來雨水」之餘，仲有颱風，每年夏天香港人都會經歷幾次，打工仔遇上8號風球或以上，又或者暴雨成災掛上黑色暴雨警告，可能就可以安排留家休息，不過作為娛樂圈的藝人，尤其是直播節目或者趕拍的戲，大多數都無辦法，在強風或暴雨下都要硬住頭皮返工。不少藝人都有難忘嘅打風經歷。

{{hket:inline-image name="46FBC925-1A38-4CFE-B194-CE3E86D931A2.jpeg"}}{{/hket:inline-image}}

(圖片：許家傑IG )

許家傑: 世界盃直播無奈要返公司

許家傑最難忘的一次打風經歷，就是多年前世界盃，而他被安排返廠做直播：「好記得嗰晚係8號風球，我仲以為唔使返公司，不過監製話因為係直播節目，所以一定要返去。嗰日返公司真係好慘，因為一出門口已經橫風橫雨，最慘嗰次無揸車，我要喺街求的士司機由粉嶺車我去將軍澳，好彩最後都有的士司機肯載我返公司，不過車費都要$500 ，其實截到車已經好好彩，到收工嘅時候我就『黐』同事架車走。」

家傑稱打風最怕是善後，住村屋的他感受良多，他說：「因為我住喺村屋嘅地下層，每次打風都會成間屋水浸，好彩嗰次只係廚房水浸，不過都浸到遮晒小腿，我即刻帶幾隻狗仔到安全嘅地方暫避，不過當颱風過後，要清理現場先最慘，因為泥沙全部沖曬入屋，搞咗好耐先可以清理得乾乾淨淨。」

{{hket:inline-image name="889E77B9-3C0A-47E6-8872-8DA2C1E072E0.jpeg"}}{{/hket:inline-image}}

(圖片：湯怡IG）

湯怡:幢樓搖晃感覺無助

兩年前山竹的風力強勁，令到不少香港市民記憶猶新，當年湯怡首次搬出來獨居，正正遇著山竹來襲，把她嚇得感覺似末日。她說：「好記得係前年七月，我第一次搬出嚟住，嗰時住喺將軍澳，咁啱山竹吹襲，附近好多地區聽講吹爛咗啲玻璃，加上自己住近海邊，風力更加驚人，而且啱啱搬入去又唔識做防風措施，屋企連一卷牛皮膠紙都無，卒之要問鄰居借保鮮紙封住啲窗。」

湯怡表示那次的風力相當強勁，最恐怖的是在家中亦感受到整棟樓在搖晃，她說：「其實幢樓搖晃相信係卸力，知道其實好安全，但嗰一刻得自己一個就覺得好無助。」

{{hket:inline-image name="118688482_315072966244113_8065240546790965066_n.jpg"}}{{/hket:inline-image}}

（圖片：馮盈盈IG）

馮盈盈: 山竹吹襲下開工似拍災難片

馮盈盈在山竹吹襲下開工，令她印象難忘。她說：「好記得嗰日開工就係山竹吹襲最大風嘅一日，出到外面好似拍緊荷里活科幻片咁，雖然我係打風後先開工，但喺街見到路上好多樹都塌晒，嗰一刻仲以為自己拍緊災難片，因為要穿過倒塌嘅樹先可以行到。」

{{hket:inline-image name="F81E786B-F48F-4885-9555-546F393CD8E6.jpeg"}}{{/hket:inline-image}}

（圖片：張振朗 IG)

張振朗: 細個時落感受風力

張振朗的百厭本性似乎一早已經孕育出來，他表示：「其實入行之前，嗰時仲讀緊中學，住喺屯門，有一次打風我同兩個同學一齊落街感受風力，嗰時真係貪玩，完全冇諗過危險，不過我哋就冇去到沙灘嘅，但係其實我哋落街吹咗一陣完全唔覺得個風真係好勁， （打風落街有冇俾人鬧？）呢件事真係冇人知㗎，我依家先第一次講出嚟，嗰陣時又真係唔識驚囉，只係覺得其實個風吹埋嚟又冇想像中咁勁，我哋都係安全嘅情況下先做嘅。」振朗都知打風外出真的好危險，也會連累他人，因此他亦寄語大家千萬不要學他做曳事！

採訪：Pauline