【外傭職責】請外傭要求識英文陪子女睇書 中介稱非姐姐工作範疇 港媽不解：係咁樣㗎咩？

本港不少家庭都會聘請外傭照顧子女，部分外傭偶爾甚至要身兼「私人補習老師」，輔導小朋友學習。有港媽最近聘請外傭時，表明希望對方會說英文，可以陪伴兒子看書，卻被中介公司提醒已超出外傭工作範疇，令事主大惑不解，遂在網上提出疑問，引起網民爭論。

該名港媽在Facebook群組「外傭僱主必看新聞訊息」發帖，指最近有意聘請外傭打理家務，遂聯絡僱傭中介公司，並想聘請會說英文的菲律賓籍外傭，一來容易溝通；二來不想兒子模仿外傭說「唔咸唔淡廣東話」，皆因兒子現時經常學印尼姐姐說話，並感到有趣。

此外，她亦希望外傭姐姐可陪兒子看書。不過中介公司卻回應指，上述並非外傭的工作範疇，令事主不解問道：「係咁樣㗎咩？」

強調無意依賴外傭教育兒子

事主強調，自己在工餘時間也會陪兒子閱讀和做功課，無意將教育責任交予外傭。她指原本只是想在聘請外傭前，說明清楚聘請要求，對中介公司的回應實在始料不及，

「我第一個姐姐會同我仔一齊唱歌跳舞，到第二個姐姐唔會，我都冇要求過，每個姐姐湊小朋友都唔同，佢湊得好錫佢地就夠...咁我請前，我照直講我要求好正常啫，唔通黎到先發現大家唔啱大家....如果姐姐話陪小朋友睇本書都計較唔可以做，我會揀過另一個囉！」

【好人好事】疫情下家鄉鄰居失業外傭借錢相助 暖心僱主額外贈$1500買糧食送暖，詳情即睇【下一頁】

網民：外傭職責難定義

帖文引起網民熱烈討論，有人認為中介公司言之有理，指外傭職責為做家務，有權拒絕陪小朋友看書，「唔係必然，唔好老奉，有啲話想幫手教功課，咁$4630咪好好用？補習費都慳埋」。有網民則指，外傭願意陪讀，屬僱主的額外收穫，「人地講自己姐姐做乜做乜，呢啲係bonus（額外所得），係人地積返黎，要自己分析，唔好乜都當係基本嘢」。

不過亦有人表示陪伴看書不等於教授，認為事主要求合理，「睇書喎，又唔係教書温書做功課，姐姐陪伴係應該的，同玩玩具一樣」。同時有不少人認為，僱傭合約中的「照顧」和「家務」難以準確定義，「睇吓大家點介定咩叫『照顧』小朋友，亦要視乎姐姐的能力和耐性」，又指要視乎外傭意願，「陪讀書是否姐姐工作範圍？其實好難界定，真係好睇姐姐意願！」

拆解「家務」定義

據家庭社區法網解釋，標準僱傭合約第4條指出，外籍家庭傭工須為僱主「料理家務」。根據隨附於標準僱傭合約的《住宿及家務安排》，「家務」職責包括家庭雜務、煮食、照料家中年老人士、褓姆及照顧小孩；惟「家務」種類繁多，列表無法列出所有家務種類。至於工作的性質是否屬於「家務」，必須視乎個別情況而定。

【疫市請人】月薪$5000招看護周一至六通宵開工 孝順仔稱「疫情半筍工」：陪阿媽傾偈，詳情即睇【下一頁】

每朝索取《晴報》：精明生活．健康家庭．開心娛樂

撰文：黎穎芯