黛安
黛安

恒隆中港9城市「同步行善」 義助逾4,500人

發佈時間: 2020/09/21

恒隆中港9城市「同步行善」 義助逾4,500人

黛安一直支持行善積福,恒隆集團過去都做唔少善事,聽公關姊妹講,今年適逢恒隆集團60周年,集團日前舉行咗一個大型傳愛傳承義工活動,喺中港9個城市召集近1,000名企業義工做社區服務,惠及超過4,500位基層人士。

恒隆地產行政總裁盧韋柏話,今次首次舉行中港同步義工活動,想令員工、員工家屬同埋租戶義工一齊以具意義嘅方式慶賀60周年,希望通過社區計劃同企業義工服務去回饋社會,建立互信互贏嘅氛圍。

公關姊妹話,見到香港疫情下一班基層學童因為資源上嘅限制,令學習進度比較滯後,所以同聖雅各福群會及陳校長免費補習天地合作,幫150名基層學童準備咗有齊上網數據卡、親子體適能運動教具、書包、文具、口罩同消毒液嘅「開學包」,等佢哋可以安心開學,投入實體嘅課堂同網上學習。義工隊喺內地亦幫咗好多山區小學提供網上學習支援,仲幫啲基層學校做專業消毒,等學生喺疫情下可以安全學習。黛安覺得義工隊嘅工作真係好有意義啊。

撰文: 黛安 消息特靈八卦公關
欄名: 八卦名利場