【開心到跳舞】細細粒「出關」即狂擦蟹粉小龍包 嘆一樣美食要晨早6點去排隊

出生於上海的「細細粒」陳嘉佳今個月初返回家鄉，因疫情關係，她甫飛抵上海即被送往酒店進行14日隔離，昨日下午終於隔離完成可以「出關」；細細粒在重獲自由的三小時前，特別化行粧拍片宣布「放監」，開心到變開籠雀的她，已經計劃一連串美食之旅的行程，事後細細粒連續兩日將自己狂擦美食的相片上載到社交網，今日為了品嚐其中一樣地道美食，細細粒更要晨早6點去排隊，為咗食真係可以去到好盡！

相關新聞：細細粒扮監製「瓜姐」亂入《愛‧回家》 視迷︰好似孿生姊妹

{{hket:inline-image name="siu2.jpg"}}{{/hket:inline-image}}

即將重獲自由好開心。（IG截圖）

{{hket:inline-image name="siu4.jpg"}}{{/hket:inline-image}}

喪食蟹粉小龍包（IG圖片）

在隔離期間無啖好食的細細粒，昨日下午時份上載一條片段到社交網，她在片中開心到原地轉圈說：「Hi，噢！係咪好奇怪點解我今日會化粧呢？因為仲有三個半鐘頭，我就完成咗14日嘅隔離，我等陣嘅行程係非常之豐富嘅，我係會去食蟹粉小龍包、蟹粉麵，仲要食.....唔知食咩，總之好多嘢我要食，我一定會一一記錄畀大家睇㗎！我終於隔離完成喇！」網民即留言笑她，「咁興奮，好似甩繩馬騮咁」、「記得盡情享受豐富嘅美食」、「睇吓你個post，心情都開朗啲」。

{{hket:inline-image name="siu5.jpg"}}{{/hket:inline-image}}

6點去到排隊，已經有人龍。（IG截圖）

{{hket:inline-image name="2.jpg"}}{{/hket:inline-image}}

（IG圖片）

數小時後，細細粒已經抵達一間食店品嚐蟹粉小籠包，叫滿一枱美食的她開心得食指大動，又上載美食相與網民分享，飲飽食醉後，細細粒又到處逛逛，將抑壓了14日的鬱悶心情一次過抒發出來，難怪她心情大好。今朝6點，細細粒便已經起床外出，原來是去了排隊購買當地馳名的蔥油餅，寧願捱眼瞓都唔願捱肚餓。

{{hket:inline-image name="119937705_356571695529019_3963568203205732892_n.jpg"}}{{/hket:inline-image}}

（IG圖片）

{{hket:inline-image name="s1.jpg"}}{{/hket:inline-image}}

表演「三下巴」。（IG截圖）

細細粒上載排隊相並留言：「上海阿大蔥油餅，聽說非常出名非常好食，最出名係要排幾個鐘，我今日大清早六點，我估應該冇乜人排隊啩，錯晒完全錯晒，我都排咗一個鐘。你問我好唔好食？排左成個鐘點都好食啦！咁其實都真係好食嘅。」有網民問係咪外脆內軟？細細粒回覆佢話：「沒想像中脆。」

{{hket:inline-image name="118918061_119453149884819_1591030027242811517_n.jpg"}}{{/hket:inline-image}}

準備咗大堆零食。（IG圖片）

{{hket:inline-image name="118863689_2403611549932966_5983709489284118832_n.jpg"}}{{/hket:inline-image}}

酒店電視機壞咗。（IG圖片）

出咗關好開心嘅細細粒不停同網民分享美食相，但原來隔離期間嘅佢亦不時更新動態，在隔離初期，細細粒在網上分享道：「返咗上海隔離啦，比人送咗去松江區，有點遠，本身唔打算帶零食，但最後好彩帶咗。今日電視壞咗，好彩換咗俾我，7點起身食早餐11點食午餐夜晚五點食晚餐，未來14日我都應該會係咁。係.....我對自己又有多一點了解，我絕對唔係一個宅女.....」

{{hket:inline-image name="1.jpg"}}{{/hket:inline-image}}

隔離第一日個「悶樣」。（IG圖片）

{{hket:inline-image name="118807675_3077879119007466_3240853149326349473_n.jpg"}}{{/hket:inline-image}}

隔離期間派發嘅膳食，都好好餸吖～（IG圖片）

而在隔離第5日時，自爆肥了一個圈的細細粒搞笑地拍片表演曬自己的「三下巴」；第6日則自爆訂了一個磅想量體重，怎料運送途中被掟爛，細細粒無奈留言：「唉！諗住買個磅返嚟提自己唔好再重落去，點知送到嚟碎曬，碎成咁，你都真係好大力掉野喎~#買唔買多個#究竟而家我幾重」。

撰文：倪小珊