【聲明】港生活網站並無進行電話推廣活動

譚炳文設靈 女兒譚淑瑩:爸爸瞓住覺走已無憾

發佈時間: 2020/09/22

資深藝人譚炳文本月5日因肺癌病逝,享年86歲,女兒譚淑瑩昨日在紅磡世界殯儀館為亡父設靈,喪禮採用佛教儀式。今日大殮儀式後,靈柩將移送到柴灣歌連臣角火葬場火化。昨晚七時舉行追思會,出席弔唁的圈中人包括謝賢、胡楓、羅蘭、黎耀祥及黑妹李麗霞等,炳哥生前摯友李香琴則由女兒蕭紫筠代表到場鞠躬。汪明荃、薛家燕、朱咪咪及演藝人協會主席古天樂等,皆為炳哥的紀念特刊寫悼文,紀念冊共印1,500本,派發給到場弔唁的親友。

譚淑瑩接受傳媒訪問,透露母親看來堅強冷靜,但其實很傷心:「而我比較脆弱,陪住爸爸20幾年,所以心情好複雜。師傅話我幫爸爸念咗咁多經,如果想爸爸去西方極樂,就唔好傷心,所以我要好堅強,幫佢完成呢個party。」問炳哥有何遺願?譚淑瑩續說︰「佢最緊張把聲,臨離開嗰日佢仲講到嘢、食到嘢,瞓着覺咁走,無辛苦插喉,呢個係佢最大嘅心願。(炳哥曾表示想開生日派對?)喪禮就當係party,希望大家笑住送佢一程,等佢開開心心去極樂世界。」

攝影:林良明

譚炳文設靈 女兒譚淑瑩:爸爸瞓住覺走已無憾

譚淑瑩透露以譚炳文生前最愛的羽絨褸、耳塞及眼鏡陪葬。

譚炳文設靈 女兒譚淑瑩:爸爸瞓住覺走已無憾

李香琴契仔陸永昌送上以譚炳文配音的卡通角色「宇宙大王」花牌。

譚炳文設靈 女兒譚淑瑩:爸爸瞓住覺走已無憾

謝賢昨日到場致祭。