《反黑路人甲》上星期五播出大結局,當中飾演金牌打手「陸秋」的朱敏瀚(Brian)於昨日播出的《C9特工》中,搖身一變做馬國明弟弟「高大翹」,飾演一名沉迷手機遊戲、不務正業的「廢青」。而「高大翹」與「陸秋」兩個角色形象完全不同,今次再飾演「細佬」,Brian直言今次的人物描寫比起以前飾演過的角色更細緻、也有起承轉合,自己亦十分期待劇集播出。
「高大翹」與「陸秋」兩個角色形象完全不同。(圖片:朱敏瀚IG)
於《C9特工》中,Brian飾演馬國明弟弟,他指角色本來是一個「廢青」,後來因遇到女神而改變:「我角色花名叫DQ,原因係做咩事都半途而廢或不成功,總會被自己或別人取消資格。DQ不務正業淨係掛住打機,對生活沒有追求,對家人亦沒有責任。但佢心目中有一個女神,得知女神鍾意事業有成嘅男人,DQ就嘗試改變自己。後來偶然得知B3(黎諾懿飾)是特工,就想對方教自己成為特工拯救世界⋯」
(圖片:《C9特工》電視截圖)
(圖片:《C9特工》電視截圖)
DQ得知B3是特工,便希望對方教自己成為特工拯救世界(圖片:《C9特工》電視截圖)
Brian指今次拍攝其實相當輕鬆:「經常有屋企戲,開工時大家就好似返咗屋企咁,大家有講有笑。」提到最有難度的地方,他就指自己要用法文背餐單:「有一場我帶簡淑兒去法國餐廳食飯,我要用法文嚟背咗個餐單,都幾有難度。」
(圖片:《C9特工》電視截圖)
Brian與簡淑兒在劇中有感情線。(圖片:《C9特工》電視截圖)
而今次劇集中Brian由金牌打手「陸秋」演回細佬角色,他直言雖然自己較喜歡「陸秋」一角,但其實亦非常感恩有「御用細佬」的稱號:「比較鍾意《反黑路人甲》的角色,因為可以令到另一面嘅我俾觀眾或者公司睇到,增加咗演唔同角色嘅機會。但我非常感恩有八至九年時間,有演細佬或角色後生版嘅機會,有咗『御用細佬』呢個稱號。大家因為咁對我有初步認識,直至《反黑路人甲》出街,大家先對我的改變有更大感覺。」
(圖片:朱敏瀚IG)
Brian感恩能遇到「陸秋」一角。(圖片:朱敏瀚IG)
為角色努力keep fit。(圖片:朱敏瀚IG)
Brian又指女友余思霆每晚都有睇電視捧佢場:「佢平時唔係好睇劇都有睇,雖然冇畀咩comment,但係有睇已經係最大嘅支持。」
余思霆每晚都有睇電視捧Brian場。(圖片:朱敏瀚IG)
提到兩套劇接連出街,Brian表示:「《C9特工》其實比《反黑路人甲》更早完成拍攝,播放順序我們演員就控制不了。」不過他就指自己一直很期待《C9特工》播出:「因為呢一套係我第一次真真正正拍攝喜劇,而監製同剪片師見到我都話我有演喜劇嘅特質。我亦都愛上咗拍喜劇,希望往後會有更多拍喜劇嘅機會。」
(圖片:《C9特工》電視截圖)
【反黑路人甲】朱敏瀚演冷面殺手箍頸圖殺張振朗 狂操弗變大隻 腹肌可以夾劇本 【下一頁】
撰文:林惠珊
責任編輯:楊安莉