與林作女友裕美互當透明 林媽媽寧願兒子翻撻舊愛

林作和媽咪黃莉妮昨日為香港開電視節目《搵陣》任嘉賓，邀請堪輿學家兼主持蘇民峰、黃芳雯，到其半山麥當勞道豪宅睇風水及擺陣。蘇師傅指林作最遲22年初結婚，否則要過了40歲才姻緣到。

最近與裕美打得火熱的林作，被問到可會閃婚？他表示︰「我做嘢一向衝動，做咗先算，但我唔鍾意細路仔，所以無諗成家立室。」林作又透露媽咪仍未接受裕美，笑指要先待南北韓半島危機解決才到自己，更直言母親與裕美互當對方透明，故有意中秋節安排飯局緩和氣氛。至於林媽媽對蘇民峰贈言林作要找強悍女人，她表示︰「咁我知，緣分嘅嘢可能兜兜轉轉都會返嚟。（你指麥明詩？）唔開名，但我好信有呢一日。」她又指蘇民峰說兒子家中的廁所位多桃花，故決定多沖幾次，將不必要的桃花沖走，她說︰「兜走埋佢（裕美），將佢沖埋出大海。」