【聲明】港生活網站並無進行電話推廣活動

馬國明賣口乖 湯洛雯:我肥瘦佢都話好

發佈時間: 2020/09/23

湯洛雯(靚湯)與馬國明拍拖以來不停放閃,「天然呆」馬明以往經常被認為個性沉悶,但靚湯昨日開腔力挺男友,大讚對方經常製造小驚喜,而且口甜舌滑,認證為最佳男友兼結婚對象。

湯洛雯昨日出席翡翠首飾店開幕,剛放完兩個月大假的她神采飛揚。靚湯笑言放假期間努力做運動減肥:「之前拍劇係咁食甜品,所以趁放假keep fit,依家已經比之前瘦咗㗎喇。(馬明鍾意你肥定瘦?)佢只有一個答案,就係『兩樣都好』。」

兩人近日被指閃婚,靚湯否認說:「唔會閃婚,我哋係有計劃嘅人,要得父母同意,同埋要買屋。暫時未有(結婚)打算,想儲錢先,但拍拖時一定會討論呢個話題。」現年33歲的她自嘲年紀大,並視馬明為結婚對象:「當初拍拖都以結婚為前提,我幾歲呀,仲玩下先?唔玩啦。」有指馬明已有靚湯屋苑的住戶證,可自由出入女友香閨,靚湯笑說:「只係大堂住戶證,方便我唔使落樓下接佢,佢無我屋企鎖匙。」她自己也沒有馬明家中鎖匙:「我得佢屋企嘅大廈密碼。」

男友常送小禮物

另外,靚湯昨日獲贈翡翠獨角獸,她笑言馬明亦曾送禮物給她:「佢送過手鈪畀我,無話係咩特別日子先送,有時佢知道我鍾意啲咩,會記喺心,偷偷買嚟送畀我,好細心。」她透露父母十分喜歡馬明:「佢哋唔會講出口,因為都想我嘅對象有進步空間。反而我媽咪話我淨係買外賣畀男朋友食,叫我煮多啲嘢畀佢。」

採訪︰Pauline

編輯:李潔盈

美術:梁政敏

馬國明賣口乖 湯洛雯:我肥瘦佢都話好

馬國明已過未來外父外母一關。(資料圖片)