《金宵大廈2》開工 陳山聰熱吻李施嬅︰要再激啲

與李施嬅本月正式拍新劇《金宵大廈2》，二人開工不久，日前即拍攝一場親熱戲，山聰從後攬實身穿性感睡衣的施嬅，二人又攬又錫。他們笑言經過第一輯磨合，今次拍親熱戲毫不尷尬︰「因為上一輯大家走來走去，見唔到大家，所以今次嚟個官能刺激！而且我哋都warm up咗兩年，兩年無錫，應該要再激啲！」山聰笑指太太Apple不會監場︰「老婆依家完全唔理我，只顧住個仔。」

二人表示劇組找來一幢殘舊的荒廢樓宇，翻新成「金宵大廈」，山聰說︰「呢度無廁所又無水，只有電，但啲電都係我哋拖返嚟嘅。」施嬅則說︰「我哋日日要行四層樓梯先開工，而開工時只可以去流動廁所。」另外，江嘉敏前日上載短髮假髮造型，透露本來有份演出《金宵大廈2》，可惜撞正拍攝另一新劇《七公主》，令她無緣拍攝《金宵2》。