【聲明】港生活網站並無進行電話推廣活動

否認黐富二代圈子 馮盈盈:識朋友唔係計有無錢

發佈時間: 2020/09/25

馮盈盈昨日出席海洋公園的森度遊活動記者會,穿上性感運動裝的她大曬22吋纖腰。早前有報道指她喜愛黐富豪圈子,她昨日強調結識朋友時絕不考慮對方財富,又笑言報道沒有影響她與緋聞男友鄭衍峰的友誼。

馮盈盈繼早前被拍到與江嘉敏一同參與富豪船P後,近日再被指流連於富豪圈子,參加富二代Reeve為港姐女友胡美貽舉行的生日派對。盈盈昨日否認專識有錢人,又表示一早已認識Reeve:「我識朋友,一向都唔係計(對方)有無錢,我朋友圈子大致上係咁,以前識落一班朋友。」盈盈昨日在活動上跟海洋公園主席劉鳴煒見面,趁機認識新朋友?盈盈笑說:「Hello都未同佢say呀!不過多謝邀請我做呢個活動,暫時未有機會打招呼。(交換電話號碼?)唔會刻意咁做,工作上可聯絡經理人。」

問到負面新聞會否影響與緋聞男友鄭衍峰的感情?盈盈笑言不會,更向男方請教瘦身:「佢有讚我瘦咗,佢係健身教練,話我大腿後面仲要瘦,會請教佢幫我練蜜桃臀。」

22吋小蠻腰靠茹素

盈盈昨日在活動上示範做瑜伽,大曬纖腰曲綫。她說︰「我無刻意量度,不過朋友就話目測有22吋。最近食得比較清淡,得閒又會研發減肥食譜,好多人都有興趣,有機會我喺網上拍片分享心得。」盈盈笑言keep fit期間照食部隊鍋,不過是健康版本;食鰻魚飯也是素食版,她自言現時一星期食素幾天,已成功減去五磅。

採訪︰Pauline

編輯:李潔盈

美術:梁政敏

否認黐富二代圈子 馮盈盈:識朋友唔係計有無錢

馮盈盈不會刻意與劉鑾雄兒子劉鳴煒(左)交換電話號碼。