昂坪360夥拍FILA推 「運動打卡遊」

疫情下大家不能鬆懈，但適當舒展身心仍然好重要。黛安收到風，昂坪360同FILA首次合作推出「運動打卡遊」，融合本地綠色旅遊、戶外運動和潮流服飾概念，即日起至11月15日打造全港首個「360 FILA Sports Fest」戶外運動節，項目非常精采。

公關姊妹話，今次活動好多破天荒優惠，如客人只要喺到訪前1日透過昂坪360官網預訂「360FILA Pass」，只需$348（原價$388）就買到啦！而「360 FILA Pass」套票包括總值達$1,800嘅服務同產品，包括來回纜車門票（標準車廂）2程等。而今次活動亦有「糖果色系打卡運動會」，同埋「互動運動挑戰」有獎遊戲等，將送出3萬份總值逾$500萬嘅限量禮品。

昂坪360董事總經理劉偉明同黛安分享，今次首次夥拍運動服裝品牌推廣，迎合社交網站打卡熱潮，希望吸納本地年輕客和家庭客，帶動第4季載客量，料本地客人數可較5月全面復運時有雙位數上升。