霍啟剛自從宣布參選立法會之後，一反常態頻頻出席公開活動，更投身KOL界拍片公開自己私下的生活，身為霍家長子嫡孫的霍啟剛近日接受車淑梅電台節目《舊日的足跡》的訪問，大談自己的豪門生活及追求太太郭晶晶的過程。他表示：「千祈唔好叫豪門公子，或者霍公子，叫我Kenneth，親切啲。」車淑梅指霍啟剛因嫲嫲去世，訪問延後一星期進行，霍啟剛直言心情沉重，因小時候都是由嫲嫲照顧成長，他特別為嫲嫲點播《小天使》一曲，並表示：「我想你在天國跟爺爺相逢，我答應會帶好第四代，請嫲嫲安息。」
霍啟剛撰千字文悼念離世祖母 生前疼錫郭晶晶給予「家的溫暖」【下一頁】
(圖片：大會提供)
(圖片：霍啟剛IG)
霍啟剛在訪問中大談爺爺霍英東、爸爸霍震霆及媽媽朱玲玲對他的影響，對於父母離異，霍啟剛表示：「我唔會覺得可惜，媽媽都有充份同我哋傾，當時我哋年紀唔算細，只係希望大家開心。依家大家關係都好好，唔會話面阻阻，嫲嫲走咗，佢兩日都有嚟陪伴，有時分開唔使睇得咁重。」霍啟剛表示媽咪自小教導他做個好人，現時兩家人分開，但經常都會跟媽咪見面，特別是有孫仔孫女之後，朱玲玲都經常會食飯見孫，他說：「剛剛先同佢過生日，細佬親自下廚。」
(圖片：東星娛樂)
(圖片：東星娛樂)
霍啟剛罕有大談跟郭晶晶認識、追求跟求婚的過程，他表示：「2004年奧運晶晶首次奪金，我電視上睇到跳水比賽，心入面覺得：『咦，OK喎』，哈哈，應該可以關注多啲喎，因為佢跳水無論美態、樣子結合埋一齊都好好。」他表示後來晶晶安排來港，晚宴上正式見面，他說：「我個人好怕醜，好少會主動追星，但嗰次就主動合照。直至去到澳門第二站，何鴻燊先生安排船去澳門，本來我可去可唔去，咁梗係爭取去啦，船上見到面就主動問對方可唔可以留個電話，我話我成日去北京，到時睇吓可唔可以見面。」車淑梅問有否交代自己是霍英東的孫兒，啟剛說：「唔會一見面就撻朵，後來互相交換電話，不過發展一啲都唔容易，因為身份問題，佢係國家隊運動員，要訓練唔係成日可以接電話，一星期可能只係見一面或兩面，佢有比賽時，我就撲到去，試過喺深圳問朋友借車，開車5小時去睇佢喺汕頭比賽。」
(圖片：東星娛樂)
(圖片：東星娛樂)
後來，霍啟剛戀情曝光，他直言爸爸反應非常之大，即時打電話質問。直至2008年奧運，晶晶比賽時備受關注，啟剛笑言：「佢比開賽有好好心理質素，但我好大壓力，因為萬一有咩差池，大家都會賴落我度，唔會賴佢。」他解釋當年爸爸負責頒獎畀晶晶，只是一個意外，當時另一奧委會成員想交換位置去乒乓球賽事頒獎，於是換上霍震霆負責跳水項目的頒獎儀式，啟剛說：「爸爸打畀我問佢會唔會贏，我點知呀？冇得寫包單呀喎！不過依家回想返都係一個緣份。」
(圖片：霍啟剛IG)
(圖片：霍啟剛IG)
霍啟剛表示兩人2004年拍拖，2012年結婚，身為國家運動員的晶晶2009年退役後，啟剛鼓勵她去倫敦生活，擴闊運動員以外的世界視野，後來才結婚。提起當年在菲律賓小島沙灘上求婚的一幕，他仍是感覺甜蜜：「我從沒有去過菲律賓，沿途一直擔心那戒指會不會被海關查出，可不可以帶入境，若果被沒收了怎辦？我其實一直心跳加速，幸好一切順利。」
【超強老公】霍啟剛郭晶晶拍拖睇戲IG曬恩愛 忙裡偷閒帶仔女攀石享受家庭樂【下一頁】
問到晶晶嫁入豪門會否難適應？啟剛說：「大家咪成日對所謂豪門好似深不可測咁，我屋企根本唔係咁，父母都好平易近人，唔係大家所諗又有家規，又一定要生幾多個，完全冇，打破大家想像。屋企冇對晶晶好大要求，太太好遷就人又好孝順。佢生活開心，慢慢適應香港生活，依家自己開車，講廣東話各方面都可以。」他直言太太經常被拍到買平貨，的確她對朋友大方，對自己沒有太多要求，被問到會否再生小朋友，啟剛說：「唔係想再生，反而依家有三個小朋友，我係鼓勵太太可以發掘返自己為小朋友而犧牲咗嘅興趣，近排佢學韓文同縫紉，（佢對眼唔係唔好？）唔係，佢做過手術，不過依家對眼係OK，無乜大礙。」
(圖片：霍啟剛IG )
(圖片：霍啟剛IG )
(圖片：東星娛樂)
由於疫情關係，霍啟剛直言自己留家的時間多了，太太負責教小朋友做伸展或跑步的運動，而自己都立志希望兩個月內教曉孩子踩單車。對於被讚「貼地」帶小朋友坐公共交通工具，啟剛說：「希望幫小朋友建立價值觀，我哋好幸運有資源有司機接送，但唔好習慣呢個模式，教曉佢哋知道有公共交通工具，佢哋都好鍾意。教識佢哋唔係咩都有人幫佢哋做晒，從細培養，同佢落田插秧，到依家佢哋仲好記得清楚。」他表示大仔專注度好強，學習三年劍擊已經入校隊，而妹妹喜歡唱歌、演戲、跳舞表演。
對於一直有說話指「富不過三代」，啟剛正是第三代，他表示：「我不會被標籤，做好自己，上一輩留下來嘅財富，唔止係金錢，仲有精神財富，呢樣係最重要，但同時間係要創新。」
(圖片：霍啟剛IG)
(圖片：霍啟剛IG)
(圖片：霍啟剛IG)
責任編輯：楊安莉