《愛回家》Rebecca做「架両」帶若水捉姦 出手怒摑賈名媛惹網民派嬲

昨晚播出的《愛回家之開心速遞》，劇情說到賈名媛（邱芷微飾）再次挑戰熊若水（呂慧儀飾）及龔燁（張景淳飾）的「龔水戀」，結果被Rebecca（沈可欣飾）大婆上身般，帶同熊若水前往捉姦，Rebecca更打了賈名媛一大巴掌。

{{hket:inline-image name="56656.jpeg"}}{{/hket:inline-image}}

真係打到面容扭曲咁。（電視截圖）

{{hket:inline-image name="898989.jpeg"}}{{/hket:inline-image}}

未痛完但都要繼續演埋落去。（電視截圖）

網民痛罵Rebecca：「好想一巴車到Rebecca飛街！」

劇集播出後不少網民都大罵Rebecca橫蠻無理，在不少《愛回家》的討論區，幾乎是清一色痛罵Rebecca：「Rebecca幾時先會比(俾)人炒」、「見到佢就火滾，個角色setting乞人憎到一個點」、「有無人可以令Rebecca從此係（喺）地球上消失呀？」、「Mary姐前世一定係虐待過Rebecca，今世要還債」。不過亦有網民讚沈可欣做得好好，完全將一個捉奸的女人的心情發揮得淋漓盡致。

{{hket:inline-image name="333.jpg"}}{{/hket:inline-image}}

{{hket:inline-image name="222.jpg"}}{{/hket:inline-image}}

{{hket:inline-image name="111.jpg"}}{{/hket:inline-image}}

Rebecca慘被網友痛罵。（網上截圖）

打者心痛 拍完互攬

除了Rebecca被痛罵之外，不少劇迷都擔心Chelffy （邱芷微）是否真的「硬食」沈可欣一巴掌。Chelffy接受《晴報》訪問時表示，拍攝當日為求逼真而真打，不過只是小事一樁，「其實當日沈可欣好錫住我，只係導演話唔夠真，所以同我講不如狠狠地捱一吓啦，希望個畫面拍出嚟冇咁假。最好笑係拍完之後，我先知道原來係沈可欣第一次拍戲真打人，所以佢都好心痛，結果拍完呢場戲之後，我哋都互相攬一攬對方以示愛護大家。沈可欣仲笑我塊面太細，搵好耐先搵到位置打我。」

{{hket:inline-image name="4646464.jpeg"}}{{/hket:inline-image}}

（邱芷微 IG）

{{hket:inline-image name="988989.jpeg"}}{{/hket:inline-image}}

（邱芷微 IG）

經驗不夠 阻人收工

問到Chelffy之前有沒有試過為了拍戲而真打，她說入行初期都試過拍戲要真打人，結果要拍了很多次導演才收貨，「當時我啱啱入行冇耐，莫講話打人，連拍戲經驗都唔多，當時有場戲係要我打人一巴，不過我驚一來真係會打到人，二來又擔心對方唔高興，所以初時都係好輕力咁打，結果導演拍咗好多次都唔收貨，最後喺導演同演員要求下我先敢真打，咁先唔阻人收工囉。」

{{hket:inline-image name="353535.jpg"}}{{/hket:inline-image}}

 打拳又點同打人呢？（邱芷微 IG）

賈名媛新秘書曝光

另外不少網民都很關心，賈名媛到底幾時有新秘書，今日Chelffy終於在自己的社交網揭盅，原來這次她的新秘書都係叫「賈秘書」，而演員名字叫千雪，Chelffy表示這是千雪第一次拍攝TVB劇集。而二人因為同是鄭丹瑞主理的網上演戲訓練平台第一屆畢業生而早已認識。

{{hket:inline-image name="9797979.jpeg"}}{{/hket:inline-image}}

（邱芷微 IG）

{{hket:inline-image name="1313131.jpeg"}}{{/hket:inline-image}}

（邱芷微 IG）

撰文：倪少軒