海港城將人氣商戶變旅遊熱點 辦體驗旅遊活動

疫情下去旅行變得遙不可及，其實去海港城都可以體驗到去旅行滋味。黛安收到風，海港城一向會引入好多國際品牌及知名餐廳，唔少有特色嘅商戶仲係香港嘅首間店舖，好似法國香氛品牌Kilian Paris、歐洲米芝蓮星級食府Amelia等。

海港城最近將商場包裝成歐洲、日本和台灣3個港人熱愛嘅旅遊地，用旅遊角度推廣商戶，仲首度同旅遊達人合作，度身訂造「自由行路綫」，製作埋「旅遊特輯」，將各個人氣商戶變身旅遊熱點。今次就搵嚟JerryC、Myrilla、Giann Law及Lam Sai Long 4位旅遊達人，佢哋會喺「旅遊特輯」入面推介商場多家店舖及餐廳，大家跟住佢哋推介嘅路綫，食盡玩盡咁多唔同特色嘅名店，真係好似去咗旅行咁。想知多啲「食、玩、買」自由行路綫詳情，可「按此瀏覽」。