中電贈幼稚園防護面罩 助學童加強防疫

唔少學生陸續返學校復課，黛安聽公關姊妹講，中華電力最近向全港近千間幼稚園學童送贈防護面罩，合共20萬個，照顧學童復課後嘅防疫需要。

公關姊妹話，今次中電送贈嘅「超人中中四人組」防護面罩，係由中電教育基金資助，透過幼稚園免費派畀學童。黛安知道，防護面罩採用嘅物料符合歐洲安全標準（FDA及CE），啱晒3歲以上兒童用㗎。每個面罩都有慳電同抗疫貼士，由「超人中中四人組」提醒小朋友同屋企人做好防疫措施，同時要繼續實踐綠色低碳生活。

中華電力企業發展總裁莊偉茵話，中電自疫情開始，一直以唔同形式支援各界抗疫，希望送贈防護面罩嘅小小心意，能協助年幼學童喺復課後防疫。