【玩‧謝我阿婆】陳柏宇3歲父母離異入住兒童之家 婆婆心痛靠包糉照顧他長大成人

ViuTV節目《玩‧謝我阿婆》昨晚首播，歌手陳柏宇帶住自己的婆婆去台南旅行，婆婆雖然已經78歲，但非常精靈可愛。柏宇在訪問中直言從小都未見過婆婆去玩，只是經常努力返工，希望藉今次的旅行，可以補償他來港後，跟婆婆十幾年沒相處的時光。柏宇首集帶婆婆挑戰半空的韆鞦，搖來搖去，婆婆一直聲稱不太驚，更興奮唱歌，不過全程都扶到實扶手，又要求柏宇不要搖太大幅度，沒想到後來更挑戰最世界最長的透明滑梯。一向輕鬆搞笑的柏宇在滑梯下表現得非常緊張，擔心婆婆會受傷或受驚，婆婆天真表示：「我哋真係好開心呀，幾十歲人，個孫肯咁樣陪我哋玩。」

陳柏宇囡囡遭網民惡意攻擊「垃圾」 老婆符曉薇發火反擊：相信有報應【下一頁】

{{hket:inline-image name="NNNNNN.jpg"}}{{/hket:inline-image}}

(圖片：大會提供)

{{hket:inline-image name="ALD.jpg"}}{{/hket:inline-image}}

(圖片：大會提供)

{{hket:inline-image name="jason56.jpg"}}{{/hket:inline-image}}

(圖片：《玩‧謝我阿婆》電視截圖)

陳柏宇3歲時父母離異，獲安排入住兒童之家，當時婆婆非常心痛，所以特別愛錫這個孫仔。後來舉家移民加拿大，婆婆在當地做肉糉批發生意，擔起頭家，原來當年婆婆派Jason幫手包糉，就是想將他留在身邊看管，不要出街學壞。柏宇直言當年婆婆孭起頭家，非常辛苦，現時希望她可以好好享福。柏宇在一家繡花鞋店親手為婆婆製鞋，婆婆開心得揚言等柏宇的女兒Abigail出嫁之時可以穿，不過Abigail現時才兩歲，柏宇叫婆婆要健康，慢慢等廿年時間。

{{hket:inline-image name="JASON2.jpg"}}{{/hket:inline-image}}

(圖片：《玩‧謝我阿婆》電視截圖)

{{hket:inline-image name="JASON3.jpg"}}{{/hket:inline-image}}

(圖片：《玩‧謝我阿婆》電視截圖)

隨後，柏宇將獲安排帶婆婆到訪當地的兒童之家，跟當地的小朋友唱歌、玩遊戲。他主動跟婆婆重提自己被送到兒童之家的往事，婆婆直言非常肉赤：「當時自己忙出面工作，根本唔知你媽咪安排你去兒童之家，所以我成日同你阿公接你出去玩，好怕小朋友喺咁樣家庭長大會變壞。」

【勇敢的媽媽】陳柏宇老婆佗第二胎大量出血 宮外孕致輸卵管爆裂緊急做手術【下一頁】

{{hket:inline-image name="NNN.jpg"}}{{/hket:inline-image}}

(圖片：大會提供)

{{hket:inline-image name="BB.jpg"}}{{/hket:inline-image}}

(圖片：大會提供)

{{hket:inline-image name="jason7.jpg"}}{{/hket:inline-image}}

(圖片：《玩‧謝我阿婆》電視截圖)

{{hket:inline-image name="jason6.jpg"}}{{/hket:inline-image}}

(圖片：《玩‧謝我阿婆》電視截圖)

柏宇感觸說：「長大後冇嬲任何人，從來冇同家人講返件事，每個人都會犯錯，每個人都希望有改過嘅的機會，如果因別人犯錯而受傷嘅人能夠學會原諒，自己都會開心。好難同媽媽傾返件事，因為冇適合時機同理由，好難將舊傷口再揭開，更加不想睇到媽媽傷心。我希望自己生咗個女之後，令媽媽感受多一次由細到大照顧一個小朋友嘅心情，從中解開心結，原諒自己。細個嘅經歷絕對影響自己照顧女兒及教導女兒嘅方法，明白要畀小朋友無限愛、無限體諒、無限原諒。」

責任編輯：楊安莉