相信不少人喜獲新居，都希望能裝修成夢中的居所。一名港女日前在網上訴苦，指她與丈夫的居所需要裝修，媽媽於是力薦幫襯她一名做裝修的朋友。惟欣賞完對方「作品」後，事主直言「睇到眼都凸埋」，惟爸爸卻激讚有氣質。由於今次裝修父母有份出錢幫手，事主只好向網民求教應如何拒絕兩老的推薦。
該名港女前日（28日）在網上討論區「連登」以「我阿媽迫（逼）我揀呢間裝修公司……」為題發帖，指媽媽有朋友做裝修，
「佢（媽媽）話人哋裝修好好。好啦，同佢去睇人哋的作品，點知……」
廁所地磚甚有復古味道。（連登圖片）
從她分享的作品圖片顯示，廁所地磚甚有復古味道，全屋牆壁配上暗沉紫灰色，而客廳地板及廚房地板、牆壁皆為白底黑紋大理石磁磚。而最令事主及網民詫異的是，廚房鋅盤竟然斜角放在料理枱上，令事主不禁表示：「唔知點洗碗。」
有不少網民認為客廳電視櫃位置，無論色調、布局皆與靈堂相似。（連登圖片）
廚房地上及牆壁均為白底黑紋大理石磁磚。（連登圖片）
廚房鋅盤斜角放在料理枱上。（連登圖片）
房內以紫灰色牆壁配以青綠色床頭板。（連登圖片）
事主直言爸爸在WhatsApp群組分享媽媽友人的作品後，令她「真係睇到眼都凸埋」；然而，爸爸卻傳訊大讚：「介紹的師傅做的，不是豪華型，整體設計、氣料配搭都好順眼，空間充分利用。」事主回到家後，爸爸亦繼續「激讚有氣質，設計好順眼」。對此，事主感到大為頭痛：
「我點樣拒絕我爸爸媽媽？最衰佢哋有份資助我……」
翻新35年舊樓變藍白希臘小屋，打通250呎全屋多功能屏風「間房」，詳情即睇：【下一頁】
事主爸爸分享完師傅作品後激讚設計好。（連登圖片）
事主又表示，經詢問媽媽友人後，全屋裝修報價24萬元，「全包套餐，個師傳係咁sell（推介）用牆板 唔好油牆……全屋設計連裝修，包磚瓦，包牆板（唔太確定係咪包埋sink（鋅盤），廁所座廁之類），24萬。」
對此，有網民表示「公司還公司，重點佢都係聽你意願去設計」，亦有人稱「只睇相，裝工無咩大問題」。事主回應指出，媽媽友人稱一切皆由設計師設計；而且手工雖然「遠睇」似乎沒問題，但「近睇」卻瑕疵多多，令她不禁直言：「close up 唔掂。」
事主直指師傅手工不佳。（連登圖片）
事主發現「近睇」瑕疵多多。（連登圖片）
此事引來網民熱議，不少人留言表示同意事主不欲幫襯的決定，「廁所個地磚我以為係裝修前」、「差到咁都要逼你用」、「手工設計都差」、「呢個裝修比我嘅感覺係又貴又唔靚」、「單係牆身顏色配呢款地磚，已經唔掂」。另有網民認為事主大可直接向父母表達感受，「你父母出晒24萬呢，就冇嘢好講啦，如果唔係嘅，自己出一蚊都畀多」、「點拒絕爸爸媽媽都要諗咁多嘢，咪直接講唔鍾意」。
輪候10年獲派38年樓齡公屋，慳家夫婦清水樓大改造僅花16萬，詳情即睇：【下一頁】
每朝索取《晴報》：精明生活．健康家庭．開心娛樂
責任編輯：李凱晴