【聲明】港生活網站並無進行電話推廣活動

拍拖3年 陳欣妍默認與沈震軒同居

發佈時間: 2020/09/30

因ViuTV節目《美女郊遊遊》人氣急升的陳欣妍,與沈震軒拍拖三年感情穩定,更被拍到在元朗過着同居生活,非常甜蜜。愛情事業兩得意的陳欣妍,昨日性感拍攝美容院廣告,她默認二人同居,更開心男友見證她的事業發展。

陳欣妍昨日穿上性感運動服到火炭拍廣告,大騷小蠻腰。她透露為拍廣告犧牲最愛的美食:「我平時好大食,又好鍾意食零食,仲好鍾意食飯,但為咗廣告戒食飯兩日。」今次性感拍廣告,她笑說:「為咗工作唔介意性感,尤其係拍電影,只要三點不露就ok,主要睇意識形態。」

想拍零食廣告

提到陳欣妍疫市下工作量不跌反升,頻頻有工開,又拍廣告又拍電影,她開心說:「其實都係開心價,我好滿意疫情期間仲有人搵我做嘢,有工開已經好開心。我反而想拍食品廣告,好似薯條、雪條咁。因為我真係太鍾意食嘢,惟有做運動補番數。」

早前她被雜誌拍到與男朋友沈震軒從寓所步出,兩人當時穿上街坊裝,又不時各自在社交網大曬屋企做gym情形。問二人是否已共賦同居?她默認大家一齊住,又自言拍拖三年感情穩定:「我哋拍拖一段時間,都唔係一個秘密,大家公開咗,好正常。其實我哋都成日見,無分得咁清楚,我好開心佢見證三年來我工作嘅成長,我哋初相識嗰陣,我只係啱啱出道,無咁多人認識,希望將來大家都可以focus番我嘅工作。」

撰文︰Pauline

編輯:李潔盈

美術:梁政敏

拍拖3年 陳欣妍默認與沈震軒同居

陳欣妍日日操肌,對身材甚有自信。

拍拖3年 陳欣妍默認與沈震軒同居

陳欣妍與沈震軒愛得甜蜜。(資料圖片)