【聲明】港生活網站並無進行電話推廣活動

TVB輪住開拍醫療劇 江嘉敏無份演得個恨字

發佈時間: 2020/09/30

無綫拍攝醫療劇《兒科醫生》,稍後亦會開拍《白色強人2》,江嘉敏昨日出席明珠台活動時,直言兒時夢想是做醫生,所以入行後亦希望有機會演醫生角色。

明珠台下周將播出美劇《好醫生》(The Good Doctor)第三季,江嘉敏、黃嘉樂、林景程、吳沚默及黃子恆等昨日在將軍澳電視城出席記者會,眾人分組玩遊戲,黃嘉樂竟在台上對住江嘉敏笑說︰「你要畀我醫,因為你無腦!」場面搞笑。事後追問江嘉敏可會嬲黃嘉樂?她尷尬表示︰「我唔敢同前輩頂嘴,同嘉樂合作三次,佢都係演我男友,好鬼熟,否則一定打佢。」江嘉敏自言都是玩得之人,但底綫是不能涉及身邊人,例如攻擊家人或朋友就絕對不能接受。

江嘉敏對於公司接連開拍醫療劇,她直言恨演醫生︰「我未演過呀,好想演醫生角色,但可能本身入行年資淺,多數演妹妹、學生及女朋友角色。從小到大嘅夢想職業就係做醫生,讀書時試過劏牛眼、老鼠,覺得幾好玩,無奈成績唔允許,我都驚醫死人。(你唔怕血?)我唔驚出面啲血,但驚自己啲血,以前成日流鼻血,所以係『資深病人』,不過依家無事喇。」

無緣演《金宵大廈2》直認失望

江嘉敏近日忙於拍新劇《七公主》,提到早前自爆已經為《金宵大廈2》試造型,一頭短髮有新鮮感,可惜最終因檔期問題未能兼顧兩劇。問她是否接受剪短髮拍劇?她說︰「剃光頭都ok,我睇過《金宵2》劇本,角色有好多發揮機會,拍唔到當然好失望。」不過,她堅持不願透露改由誰人執二攤演該角色。

採訪︰Pauline

攝影︰林良明

編輯:陳禮恒

美術:梁政敏

TVB輪住開拍醫療劇 江嘉敏無份演得個恨字

黃子恆(左二)玩考定力遊戲,一班藝員盡力騷擾他。

TVB輪住開拍醫療劇 江嘉敏無份演得個恨字

黃子恆