【大病未癒】張達明成功增磅15磅精神飽滿 感性罕談子女:人生最美麗嘅事

張達明日前接受好友苑瓊丹邀請，亮相香港開電視節目《開工大吉77》。張達明笑指去年首次做電影監製，「碌卡」邀請苑瓊丹客串，苑瓊丹仗義補拍戲份，所以今次佢都一口答允做訪問。

{{hket:inline-image name="DSC07571.JPG"}}{{/hket:inline-image}}

（大會提供）

達明喺圈中打滾多年，台前幕後都曾參與其中，但最愛仍然係老本行「棟篤笑」：「我做監製就唔係好在行啦，但呢個崗位就可以諗吓搵邊個朋友幫手，夠唔夠錢碌邊個卡 （情商）客串咁，喺我病後可以圓監製夢。而咁多年最鍾意都係做棟篤笑，因為夠晒即興，試過做做吓唔記得對白，錯晒都照做落去，偏偏成為最好笑嗰一段。」

{{hket:inline-image name="DSC07536.JPG"}}{{/hket:inline-image}}

（大會提供）

張達明近年一嘗得獎滋味，入行多年嘅佢表示對自己獲獎感到難以置信：「兩年前去華鼎獎，初時以為係做頒獎嘉賓，到場先知自己攞獎，初時都唔信㗎，以為佢哋拍整蠱片，嗰次就第一次攞獎。到金像獎被認同意義好大，原來我係一個正式嘅演員，係交到貨嘅！當時好耐冇拍戲，可以參演係好吸引，我擔心自己身體做唔做到，當時真係好瘦，不過動作戲唔多，覺得自己可以應付到。」

{{hket:inline-image name="DSC07314.JPG"}}{{/hket:inline-image}}

（大會提供）

張達明坦言未完全康復，但盡量「包裝」自己見人：「好似今日要見苑仔，我咪化個妝，食番肥啲睇落飽滿啲。依家我都呼籲各大監製搵我演皇帝呢類角色，坐喺度等人服侍，加上我做過周星馳同劉德華電影嘅皇帝，所以係『皇帝專業戶』。」

{{hket:inline-image name="0830-ireifzh6108719.jpg"}}{{/hket:inline-image}}

（《大內密探零零發》截圖）

早年因為工作離鄉別井，所以對家人有所愧疚：「未病之前都有啦！當時去廣州拍戲，一走就要走半年，間唔中先返香港一日半日，離開仔女咁耐都有啲心痛。其實訪問我一向都少提家人，因為都係私事唔想交代，但係都想講多句，我嘅仔女對我好重要，係我人生最美麗嘅事，我係幸運兒，我會做所有嘅事令佢哋快樂。」

{{hket:inline-image name="DSC07021.JPG"}}{{/hket:inline-image}}

（大會提供）

苑仔表示與達明見面感興奮，開心見到好友精神飽滿：「頭先知道佢重咗15磅，所以真係好開心，佢都好難得開腔講家人，我都要多謝佢。開頭佢話欠我人情債，其實冇啲咁嘅事，當年佢套戲要補拍，我以為係冇錢，點知都照有糧出，即係同一場戲收咗兩次錢，佢係一個好監製就真！」

撰文：黃蘊姿