女神朱茵2012年同黃貫中（阿Paul）奉女成婚，同年10月囡囡黃鶯出世，朱茵一度引退專心相夫教子，大前年先開始復出工作。
（東星娛樂）
夫婦二人視女如命對外十級戒備，以前嘅佢哋拒絕畀囡囡正面曝光。不過兩年前佢哋開始唔再「保密」，更參加內地真人騷《想想辦法吧爸爸！》。
（網上圖片）
其實多年來有唔少內地電視台想打黃鶯主意，但朱茵阿Paul一直不為所動，據知拍呢個節目有千萬人仔酬勞，一家三口先破例亮相。節目名雖然只提及爸爸，但實際上係全家出動，因為參與的五位明星媽媽為了放鬆而組團外遊， 五位明星爸爸就負責帶住仔女長途跋涉去搵媽媽。
（網上圖片）
拍攝當日黃鶯知道要暫別媽咪，攬實朱茵喊到收唔到聲，朱茵亦忍唔住跪地抱實囡囡喊，最後一家三口更擁作一團。黃鶯咁黐媽媽都唔係冇原因，朱茵曾大爆老公喺囡囡面前完全冇晒辦法，直指老公唔識教女！朱茵話囡囡心目中，媽媽（朱茵）佔9分，爸爸（阿Paul)只得1分。
（網上圖片）
阿Paul都曾講過自己嘅湊女大法，指自己會同佢講故事，令佢興奮起來就多做運動，晏覺唔可以瞓得太耐等等。而佢氹囡囡瞓覺嘅方法更加係非一般家長接受到：「給她一個電話打遊戲，打到眼睛累，不然的話，女兒在晚上怎麼樣都不會睡！」難怪朱茵話老公唔識教女。
（朱茵微博）
（朱茵微博）
拍咗多時嘅《想想辦法吧爸爸！》日前終於正式上架，朱茵今日就Post咗多張囡囡嘅正面照，留意：「寶貝女兒跟我說：『想跟媽媽去旅行！』，我說：『媽媽在拍戲還不能去。』，但我們可以看 《想想辦法吧爸爸！》節目上線了！我們一家人可以隔着屏幕見面。」
（朱茵微博）
唔少網民見到囡囡嘅清晰正面都驚嘆阿Paul嘅基因非常強大，黃鶯就好似係佢嘅Copy&Paste迷你版，不過佢哋就可惜朱茵嘅神級靚樣阿女似乎一啲都遺傳唔到，非常浪費！有人仲講笑話寄望再等下一代有望隔代遺傳添！其實小黃鶯都非常可愛，都不過大家都似乎太迷戀朱茵嘅完美比例靚樣喇！
（朱茵微博）
撰文：黃蘊姿