欣宜計劃雪卵：我認真㗎！

林珊珊主持的網上節目《Have a Friend Day》昨晚播出最新一集，珊珊邀請了剛簽約寰亞唱片的鄭欣宜（Joyce），一齊到酒店Staycation做節目，二人在床上Girls' Talk大談初戀史。一向說話爽直的Joyce表示：「好開心可以聽到珊珊有關拍拖嘅分享，學到好多嘢，估唔到我同珊珊嘅初戀都好似，可能大家都係讀女校，要喺聯校活動嗰度識男仔。」

珊珊更踢爆33歲的欣宜考慮雪卵：「我知道你好鍾意笑，但原來你都好容易喊，好真性情。不過最特別係你好坦白咁講，真係有諗過『雪卵』，我都係第一次面對面有人同我討論呢個話題，真係好難得。」Joyce即回應：「我認真㗎！」其後，兩人亦接受藝術治療，透過即場繪畫來加深自我的認知。