【聲明】港生活網站並無進行電話推廣活動

善心公司義賣可重用口罩 助基層自閉症兒童

發佈時間: 2020/10/06

黛安平時睇新聞,見到患自閉症嘅兒童喺疫情下面對唔少困難,都想做啲嘢幫下佢哋。近日聽到公關姊妹講,原來有間善心公司Keenly Green設計咗幾款可重用口罩「Wearing is Caring」攞出嚟義賣,頭5,000個口罩所得收益,會全數捐畀愛培自閉症基金,幫助基層自閉症兒童接受適切治療。

黛安打探到,原來愛培自閉症基金主要係做「應用行為分析」治療。基金仲話呢項治療,係現時最有效治療自閉症嘅方法,有超過50年科學研究嘅基礎,可以改善佢哋自發語言能力、社交能力,令自閉症兒童可以處理複雜嘅溝通,同時會教佢哋自理技巧,以減少行為問題,幫助佢哋融入社會。

購買可重用口罩,除咗可以抗疫,仲可以減少一次性口罩嘅消耗量,同時為有需要嘅自閉症兒童帶來希望,黛安都要叫埋身邊朋友支持先得。想選購可【按此】瀏覽。

撰文: 黛安 消息特靈八卦公關
欄名: 八卦名利場