阿媽被人拖買餸車撞跌 陳健安嬲爆︰我唔會放過你

C AllStar成員陳健安（On仔）是圈中出名的孝順仔，不時在社交網分享跟媽咪的生活點滴。On仔前晚上載一張手腳擦傷的照片，原來是陳媽媽落街時不幸被人撞跌，但對方竟不顧而去，On仔嬲爆在網上留言「公審」，希望為媽媽討回公道。

On仔在限時動態寫道︰「媽媽喺屯門河傍街，畀一個拉買餸車仔嘅人kick跌落地，擦損左手㬹，撞傷膝頭哥。嗰個人道歉都無即走，有一對好心嘅母女嗌住嗰個人，愈嗌愈走。先多謝母女扶我媽媽，唔好以為走咗就無人知，唔使負責任，人在做，閉路電視在看，單車被人偷我都搵得番，你整親我阿媽，我唔會放過你。」On仔更呼籲目擊者：「如果當日見到嗰個人，請pm我形容一下佢。」希望他可以把事件查個水落石出。