Angelababy（楊穎）憑著精緻五官喺內地大受歡迎，佢嘅一舉一動都會引起網民討論。近日微博瘋傳一張佢同闊太閨密們嘅合照，作為大明星，Baby平日出席活動時都企中間，但呢幾張照片裡，佢卻只能靠邊站。據知Baby嘅閨密個個非富則貴，背景大有來頭，而Baby曾笑言自己平時只係負責幫佢哋訂餐，難怪網友都指呢個情況似足早前熱播劇集《三十而已》劇情，童瑤飾演嘅女主角顧佳，為老公嘅事業發展努力打入上海闊太圈。
【通街行冇人認出？】Angelababy重返上海成長地大感觸 學生舊照曝光再惹網民對比熱論 詳情即睇：【下一頁】
（圖片：Angelababy微博）
Hermès是貴婦圈入場劵，劇集裡童瑤一開始用Chanel被闊太看不起，只能站在最角落（最左）（圖片：《三十而已》劇照）
從網上流傳嘅照片所見，Baby只企喺最角落的位置，唔認真望真係見唔到佢！而坐喺前面嘅三人明顯地位不同，據知佢哋分別是日清集團太子女、溫州專代理奢侈品牌嘅集團千金。另外其他人來頭都唔少，有上海多間高端會所嘅老闆娘，同埋大陸鞋業集團新抱，而Baby更喺去年成為呢個鞋業品牌代言人。
Baby亦站在後排位置（微博圖片）
（微博圖片）
（圖片：Angelababy微博）
網友推測呢班非富則貴嘅名媛，相信係Angelababy囝囝小海綿嘅同學仔家長，佢哋不時都有聚會，最近更同遊上海迪士尼，被網友捕捉到小海綿同富三代一齊玩嘅身影，並好乖巧咁有同朋友仔一齊戴口罩。
（微博圖片）
小海綿跟同學玩得很開心（微博圖片）
隨住「Angelababy靠邊站」話題嘅熱度上升，佢都忍唔住喺社交網開腔回應：「和朋友合照不用這麼介意誰站哪裡吧！每次都是看誰坐的位置光線好就圍過去唄..我是一個喜歡簡單的人，我身邊的朋友也都是不喜歡複雜的人。開開心心，做點有意義的事情，祝大家國慶節快樂！」網友力撐Baby，更祝佢同閨密「友誼長存」，又指她的回應大方高EQ：「寶貝開心就好！！」、「不要理他們！」、「不要在意別人的看法啊，自己想站哪就站了哪，開心最重要」
Baby回應自己在合照為何靠邊站（圖片：Angelababy微博）
有指Baby的好友都非富則貴（微博圖片）
撰文：羅慧怡
責任編輯：楊安莉