【黃金盛女】《吃掉前男友》小儀自爆每段感情皆被第三者介入 森美用「非常」方法助渡過難關

快將「入五」嘅阮小儀係圈中出名嘅「黃金盛女」，賢淑嘅佢更加係一代「美女廚神」，不過就無奈地仍未遇到佢嘅真命天子。聽晚播出嘅ViuTV節目《吃掉前男友》請嚟小儀分享佢同前度嘅經歷。

{{hket:inline-image name="3.jpg"}}{{/hket:inline-image}}

（大會提供）
 
小儀表示傷得最深嘅一段關係係交往7年嘅前度。佢指分手原因或因雙方正為工作搏殺而令感情變淡，但當中亦牽涉到對方出軌。小儀指自己用咗好長時間去治癒情傷，但重遊舊地亦不禁觸景傷情：「以前拍拖嗰陣，我哋好鍾意先約喺銅鑼灣西武百貨度等。分手之後有次揸車經過，發現西武百貨已經拆咗。然後，我控制唔到咁默默地喊咗出嚟。嗰刻先知原來受過嘅傷已經變成疤痕留喺心入面。」

{{hket:inline-image name="1.jpg"}}{{/hket:inline-image}}

（大會提供）

小儀入行早期有位消防員男友，之後於電台拍檔兼好友森美介紹下，2009年與出版社CEO黃志暉拍拖，不過當時有傳黃志暉因為升呢成為金融上市公司總裁後狠撇小儀，兩人拍拖一年後分手收場。小儀dry足4年後，曾被影到佢現身中環與男友人攬腰行街，但小儀事後解釋同對方係好朋友。多年來，小儀身邊不乏男性朋友，更與節目監製阿金，電視節目拍檔金剛傳過緋聞，但全部都只係「霧水情緣」。

{{hket:inline-image name="4.jpg"}}{{/hket:inline-image}}

（大會提供）

小儀雖然飽歷情傷，不過好友森美會用一啲另類嘅方法幫佢振作：「我試過失戀時好傷心，打電話畀佢，如果係其他人一定會叫我唔好難過，但佢係同我講『你幻想下個男人有香港腳㗎，好臭，爛晒㗎。』起碼佢會令我笑咗先，我亦會慢慢開始諗其實對方未必適合自己。」

{{hket:inline-image name="2a26a1f9ffb75c3d02b48abe8e767634.jpg"}}{{/hket:inline-image}}

（東星娛樂）

而森美亦其實一直都有幫單身嘅小儀撥行大葵扇：「之前有相士話小儀會因為我而有得戀愛，我聽完真係腳軟呀，幾驚係話我要幫佢埋單。原來係指小儀啲男朋友都係經我介紹嘅，所以佢一生人有姻緣全因為我，但失戀就係因為佢自己喇，雖然係我介紹啫，都要睇佢自己造化㗎嘛。」

撰文：黃蘊姿