山頂拍MV馮允謙差啲碌落山

歌手馮允謙（Jay）早前為新歌《A New Day》在山上取景拍攝MV，Jay上山落山，跑到身水身汗，更因天雨路滑，在山頂自彈自唱時更差點跣落山，嚇得他抹一把汗。Jay笑說：「拍嘢同平時行山好唔同，同一段小路要來來回回行好多次，仲要攞住木結他，一上一落真係跑到大汗疊細汗。由於之前落過雨，山路崎嶇濕滑，我左搖右擺嗰陣要就力，否則大風一吹就會跣落山。」

雖然拍攝當日天氣不穩，MV又要拍攝日出日落，幸好最後天公造美，順利完成。Jay笑言拍攝駕車場面勁緊張：「導演借咗架跑車，我要揸住架車上山，山路又窄，我怕撞花架車。雖然我喺加拿大日日揸車，但喺香港完全無揸過，所以拍揸車戲都有啲緊張。」