激罕談舊情 長時間療傷 小儀︰次次都衰畀第三者

ViuTV清談節目《吃掉前男友》前晚首播，繼莊韻澄（前名莊端兒）回帶細數前度曾出軌，似暗寸舊愛張致恒，今晚一集邀得阮小儀分享與前度的經歷。小儀自爆早年發展的七年情刻骨銘心，又指對方出現小三致分手，她更稱︰「當時我用咗好多時間醫自己，去平復心情！」

一連十集的《吃掉前男友》由張惠雅（Regen）、莊韻澄等主持化身民宿主人，廣邀不同女藝人做嘉賓，包括阮小儀、林欣彤及張慧儀。在今、明兩集，小儀罕有地重提舊情，剖白與前度分手後的慘痛經歷。

小儀自揭傷得最深的一段關係，是介乎讀書及投身社會工作初期，交往長達七年的前男友，她剖析分手原因︰「我哋讀書時好好哋，之後開始出嚟做嘢就各有各忙，感情轉淡，少見面，對方亦牽涉到有第三者。」小儀更苦笑道︰「我次次都衰畀第三者，命嚟㗎，我用好多時間去醫自己，去平復心情！」

銅鑼灣拍拖勝地變禁地

小儀表示即使多年後重遊拍拖舊地，亦會觸景傷情，她續稱︰「我哋以前拍拖好鍾意約喺銅鑼灣西武百貨等，之後有次揸車經過，發現西武已經無咗。我控制唔到喊咗出嚟，嗰刻先知道原來受過嘅傷，已變成疤痕留喺心入面。」小儀的幕前好拍檔有森美、金剛等，但她的感情生活比較低調，除入行初期的消防員男友，亦與出版社CEO黃志暉、舞台劇演員陳康等傳過緋聞。

前晚，小儀在社交網上載與一眾女主持的大合照，並留言︰「多謝邀請我做小嘉賓參與兩集，最初有點擔心，因為要將埋葬咗嘅其中一啲前度感情事再次掘出來，的確令我有點……哎呀……究竟有點咩呢？可能我嘅故事都係你哋所經歷！」她不忘呼籲大家捧場睇節目，而很多網友也勸勉小儀應該活出自己；有粉絲亦撑她繼續努力，必可覓得Mr. Right。

撰文︰Steven

編輯︰陳禮恒

美術︰Simon