處境劇《愛回家之開心速遞》中，Ma姐（何綺雲飾）和Peter（杜大偉飾）在劇中變成歡喜冤家，經常發生拗撬，更會互相整蠱對方為樂，一向斯斯文文的Ma姐每當遇到Peter都會性情大變，高八度變「倀雞」女，而Peter亦出惡言去鬧爆對方。昨晚一集「不是冤家不拍檔」，Ma姐在Peter獲公司獎勵到蒲台島宿營，沒想到意外發現對方秘密，Peter原來一直都禿頭戴假髮，而Ma姐有大肚腩要戴腰封遮醜，沒想到兩人口疏互爆大家秘密，關係勢成水火，但又再次獲安排兩人「孖咇」頂保安部看守住郎拿度夫人展覽的首飾。混亂之際，Peter推Ma姐用鈦金屬腰封擋刀，而Ma姐急智除Peter的假髮將賊人跣低，成功捉拿大賊。過程非常搞笑，睇到不少觀眾都大讚過癮。
《愛回家》Ma姐被罰做保安爆汗捉噴漆怪客 性情大變喪鬧Peter將變CP？【下一頁】
Peter和Ma姐在度假屋互揭瘡疤。（圖片：《愛回家之開心速遞》電視截圖）
Ma姐除下腰封有肚腩仔。（圖片：《愛回家之開心速遞》電視截圖）
Peter原來禿頭。（圖片：《愛回家之開心速遞》電視截圖）
兩人關係勢成水火。（圖片：《愛回家之開心速遞》電視截圖）
網友在討論區留言說：「好正囉新組合！」、「細楊生同Maggie姐再續情緣」、「他們在愛回家第一集的時候已經是CP了,那時 Mia就做查先生的秘書而Peter是細楊生,那是已經覺得他們很襯啊！」、「我都鍾意睇佢兩個」、「可能最後成為新CP, Andy最後可能要單獨一人」等等，大家的反應都非常正面。
【十八年後的終極告白】 杜大偉為演禿頭男甘願剃頭犧牲 入行23年演盡小角色永不放棄【下一頁】
有時會互相關心，Peter送上豬油糕畀Ma姐頂肚。（圖片：《愛回家之開心速遞》電視截圖）
Ma姐送增髮用品畀Peter。（圖片：《愛回家之開心速遞》電視截圖）
Peter竟然推Ma姐個腰封去擋刀。（圖片：《愛回家之開心速遞》電視截圖）
Ma姐用Peter假髮捉賊。（圖片：《愛回家之開心速遞》電視截圖）
「我個寶貝呀！」Peter喊晒口。（圖片：《愛回家之開心速遞》電視截圖）
杜大偉接受《晴報》電話訪問，對於今次繼《十八年後的終極告白》後，他再次以「禿頭」示人，他表示：「多謝大家留意呢一集，我本身收到劇本時，監製都有同我傾，我覺得冇乜問題，我唔介意做呢樣嘢，我係專業演員，劇本好，拍得有趣好笑最重要。劇情入面，我同何綺雲互揭大家瘡疤，Ma姐都有肚腩，最重要拍出嚟個效果，能夠為藝術犧牲我好樂意，希望多啲機會玩得多。」至於到底Ma姐同Peter會否成為新CP呢？杜大偉說：「多謝觀眾我哋呢一對歡喜冤家嘅火花，成為CP係絕對有可能，大家繼續留意睇我哋發展先。其實好多眼利網友或者追開《愛回家》系列嘅觀眾都知道，我同何綺雲喺第一輯《愛回家》已經係一對，我係細楊生，佢係Maggie，仲拍拖、結婚、生埋BB，我哋曾經都係一對CP，所以都幾期待。加上綺雲同我拍得幾好玩，因為我個角色冇『鐵面陳』(王致狄飾）咁認真，我角色一向詼諧同古惑，令佢個角色多一個層面，輕鬆啲又冇咁斯文正經，大家都有得發揮。」
第一輯《愛回家》細楊生同Maggie早已是一對。（圖片：《愛回家》電視截圖）
接龍花生三友只剩Andy一人單拖。（圖片：杜大偉IG)
（圖片：杜大偉IG)
責任編輯：楊安莉