視后胡杏兒在ViuTV劇集《熟女強人》扮性治療師，雖然有網民批評劇情老土令人尷尬，不過昨晚胡杏兒與劇中老公朱栢康的一場「攤牌」戲，二人激動鬧交，成功為劇集力挽狂瀾，不少觀眾大讚睇得超肉緊。
（大會提供）
胡杏兒在《熟女強人》演女強人，為了成就老公朱栢康的演藝夢想，一心「男主內，女主外」，努力賺錢養家，誰知朱栢康竟然出軌偷食陳逸寧。昨晚一集中，杏兒終與朱康攤牌，斷正的朱康被杏兒鬧爆不為二人女兒著想時，還諸多藉口力數杏兒說：「你知唔知個女讀幾年班？考第幾？鍾意食乜唔鍾意食乜？」
相關新聞：【演員請就位2】胡杏兒拍劇踩廿幾個鐘被封鐵人 大爆TVB內幕當選視后擁特權
（ViuTV影片截圖）
（ViuTV影片截圖）
杏兒聞言十分憤怒，因為老公追求夢想，無賺錢能力，自己才被迫努力工作搵錢：「你知唔知間屋差餉幾錢？油錢隧道費係幾多？個女學校每月學費幾多你又知唔知？我哋喺現實生活嘅人係要用錢㗎！咁多年嚟我喺出面做嘢，失去咗幾多同個女相處嘅時間，呢個係我一生人嘅遺憾，我返唔到轉頭！」杏兒對朱康死心，執意要離婚，更將婚戒還給對方。
相關新聞：胡杏兒囝囝打針喊一個鐘聲都沙 接種「士多啤梨」疫苗一反常態？
（ViuTV影片截圖）
（ViuTV影片截圖）
（ViuTV影片截圖）
唔少觀眾大讚杏兒與朱康非常投入，對白亦講出夫妻現實的問題，好多人大讚「啲對白終於唔尷尬」，更有女觀眾感同身受，表示前夫講過的藉口跟朱康的對白一模一樣。
相關新聞：硬撼胡杏兒 無綫《C9特工》對戰ViuTV《熟女強人》 馬國明︰有選擇就最好
（大會提供）
杏兒表示播出後收到不少朋友和親戚的訊息：「得到大家支持當然開心，就連一啲好耐冇聯絡嘅朋友都message我，話我鬧老公（朱栢康）呢場好感動、好激、好痛快！拍嗰時都辛苦，因為對白都好長亦唔敢NG，又要保持份情緒；我記得我哋排咗一次戲之後，同朱康坐埋一邊醞釀情緒，當時因為機器問題就等咗好耐，但腎上腺素就不停谷，谷到胃好痛，我同導演講頂唔順，可唔可以快啲，因為就嚟要嘔啦！最後呢埋場戲拍咗2 take，導演2 take 都收貨好順利。」
相關新聞：【金牌女兒紅】鍾嘉欣胡杏兒合體互唱首本名曲 《耀舞長安》結緣9年友共情不變
（大會提供）
杏兒大讚對手說：「朱康令我好信任佢，呢場戲係兩公婆各自去數對對方不滿嘅心底話，因為一直以來佢哋都有心病但各自收埋，大家喺個一刻就爆晒出嚟！當下鄒靜（角色名）知道唔可以好似老公咁拖泥帶水，需要有一個決定，佢好嬲老公，但唔會再為呢個人而流眼淚。」
（大會提供）
講到夫妻相處之道，杏兒直言：「兩公婆最緊要坦白同溝通，大家咩都拎出來講，所以我同老公每日都會傾偈。」杏兒現實中婚姻美滿，與老公李乘德育有兩個可愛囝囝。杏兒在微博分享與細仔玩泡泡的片段，相當幸福。
（微博截圖）
（微博截圖）
撰文：李潔盈