吳若希（Jinny)同老公Alex何兆鴻婚後育有囡囡Giselle，今年5月宣布懷第二胎佗B仔，因為疫情關係，差唔多全程留家養胎，極少外出。近日佢難得「出關」做婦科檢查，梗係要悉心打扮兼自拍靚相放IG，不過佢就好苦惱，原來係體重創新高直逼70kg，仲畀老公Alex瘋狂恥笑。
【再次公審】大肚吳若希鬧老公「新寵」垃圾 網民睇唔過眼出錢出力贊助離婚 詳情即睇：【下一頁】
（圖片：吳若希IG）
（圖片：吳若希IG）
吳若希寫道：「因為太久沒有外出了～所以連普通產檢也要有儀式感，選了一條顯瘦的孕婦裝去見婦科醫生#邁向70kg#我老公聽到個磅數後瘋狂恥笑我」相中嘅佢身穿長袖連身裙，四肢依然纖幼，亦見到腰身，又唔似呢個體重，難怪網友都留言叫佢生完先慢慢再減：「70kg好輕啫」、「仲係好索」、「仲係好fit喎」而吳若希就笑指：「除咗口罩之後，你見到個雙下巴就唔會咁講㗎喇。」、「我真係好樣衰」
著得靚靚去見婦科醫生（圖片：吳若希IG）
（圖片：吳若希IG）
坊間傳言話佗男仔會醜樣兼鼻大，吳若希就話真有其事，佢係IG限時動態上傳兩張自己植完眼睫毛嘅相，講笑因為而家面大，所以睫毛都要長啲配合返：「新植了眼睫毛，為了配合臉大了，所以睫毛也加長了，這次是12cm。」其後又自爆P細咗個鼻：「懷男孩子鼻子會變大，我證實了。」
吳若希話自己有肥到有雙下巴，好似又唔多覺（圖片：吳若希IG）
而Giselle最近終於開學，都令吳若希相當興奮，忍唔住上傳囡囡學生相到IG，並表示：「雖然只是興趣班，但看到妳那麼期待上學～母親表示安慰」網友就話佢終於可以有私人時間：「阿女返學，阿媽就可以唞返一陣」吳若希即刻搞笑回覆：「說出重點來。」
（圖片：吳若希IG）
（圖片：吳若希IG）
Giselle開學啦！（圖片：吳若希IG）
撰文：羅慧怡
責任編輯：楊安莉