昔日閨密決裂？ 未知會否出席何雁詩婚禮 劉佩玥︰點都由佢做主導

劉佩玥與何雁詩（Stephanie）在15年合作劇集《四個女仔三個Bar》結為好姊妹，二人更曾經當上同居密友，然而有指劉佩玥連環缺席Stephanie的婚前派對及過大禮儀式，即傳出姊妹情不再；昨日兩位當事人分別回應本報，她們均例牌否認不和，但Stephanie下月註冊結婚，劉佩玥卻以拍劇為由預告「未必到」，Stephanie亦暗示：「不一定做婚禮姊妹先係朋友。」似有弦外之音。

何雁詩與未婚夫鄭俊弘將於下月七日註冊結婚，早前她廣邀圈中好友出席婚前派對，陳瀅、吳嘉熙等好姊妹均有到場。日前鄭俊弘與兄弟團到何家過大禮，陳瀅、賴慰玲和蔡思貝也專程到女家陪伴待嫁新娘，但仍不見劉佩玥的蹤影，就連Stephanie公布的姊妹團名單中，亦沒有劉佩玥，難免令人聯想到姊妹情不再。其實劉佩玥上月生日，亦未見昔日好姊妹為她慶祝，反而獲一班KOL陪伴，昔日的閨密統統消失。

對於是否跟Stephanie姊妹情決裂？劉佩玥昨日回覆《晴報》時輕鬆表示︰「笑死我，梗係無啦，頭先有人畀咗新聞我睇，我亦都知有記者問咗Stephanie回應，平時有緋聞或者花邊新聞，我都無乜反應，但今次嘅報道又未至於話嬲，係好無奈囉！」她續說︰「Stephanie係我人生入面，係其中一位好重要嘅人，今次佢結婚係喜事，突然有呢啲新聞覺得好奇怪。」

重提與陳瀅不和

問到為何缺席Stephanie的婚前派對？劉佩玥堅稱︰「我有去呀！喺呢個世代，唔係每次都要po相嘅，唔使每一樣嘢都要公布天下，我亦唔係每次聚會後都會po相，無相唔代表無去或者感情唔好。」至於Stephanie有否邀請她擔任姊妹團成員？劉佩玥續稱︰「佢有講過，但我拍緊劇，仲要一次過三套劇，重疊得好犀利，同埋友情唔係用一張相或一個角色去定奪，我非常開心佢有邀請我。（到時出席婚禮？）我都唔知呀，要睇工作時間而定。」期間，她更疑似「交波」給新娘子，「我都揸唔定主意，決定係點都由Stephanie做主導。」

劉佩玥又強調跟Stephanie仍是非常好的姊妹，至於跟蔡思貝、陳瀅等人可有不和？她強調︰「完全無，我唔會同人哋不和，之前都傳我同陳瀅吵大鑊，但我哋覺得啲傳聞太廢喇，唔使特別去澄清。」

至於下月即將成為「鄭太」的Stephanie，透過短訊回覆不和傳聞，她表示︰「當然唔係真啦，婚前派對劉佩玥都有出席呀！其實不一定做婚禮姊妹先係朋友。」她又指結婚是人生大事，故不想回應不實的報道。

撰文︰倪小珊

編輯︰陳禮恒

美術︰Simon