【聲明】港生活網站並無進行電話推廣活動

劉愷威擬拍父女真人騷遭楊冪阻止? 劉丹:唔想小糯米上節目曝光

發佈時間: 2020/10/09

劉愷威與內地女星楊冪前年離婚,二人的女兒小糯米留港居住,由爺爺劉丹夫婦及劉愷威照顧。近日盛傳劉愷威有意帶小糯米亮相真人騷,遭楊冪強烈反對。劉丹昨日出席宣傳活動時,澄清自己與劉愷威同樣反對讓小糯米曝光,希望孫女可以開心度過童年生活。

劉丹、呂慧儀及滕麗名等昨日出席處境劇《愛.回家之開心速遞》宣傳活動,劉丹與呂慧儀一同受訪,問劉丹是否贊成讓現年六歲的小糯米出鏡?他說:「唔單止佢媽咪(楊冪),連阿仔(劉愷威)都反對,愷威唔拿手參加呢啲綜藝節目,亦唔想個女參加。」劉丹指小糯米表演慾麻麻:「有時喺學校成班同學一齊玩同表演就無所謂,但我哋幾個都唔想佢上節目曝光。」

提到小糯米與呂慧儀的兒子蟹籽同年,劉丹開心說:「孫女依家讀一年班,最鍾意喺屋企周圍走,去街就好驚佢跌親。」呂慧儀笑言蟹籽與小糯米從未見面,希望疫情快點過去,讓小朋友外出「放電」:「希望將來有機會帶出嚟一齊玩。」劉丹聞言更講笑說可以安排小朋友相睇。

呂慧儀受傷獲囝囝呵番

另外,呂慧儀昨日左手手指包着紗布,她透露︰「我噚晚(前晚)用氣炸鍋整炸雞,手指唔小心掂到發熱綫,即刻起咗少少水泡,要立刻用紗布包住,費事水泡爆開。阿仔今朝(昨日)起身見到我隻手指包紮咗,仲問我『點解隻手指粗咗咁多』,不過佢有即刻錫番我,我已經冧晒。」呂慧儀指囝囝年紀尚小,但已懂得照顧媽媽:「有時我唔小心跌倒撞親,囝囝都會慰問我。」

採訪︰Pauline

編輯:李潔盈

美術:梁政敏

劉愷威擬拍父女真人騷遭楊冪阻止? 劉丹:唔想小糯米上節目曝光

劉愷威一有空便會陪伴女兒小糯米。(資料圖片)

劉愷威擬拍父女真人騷遭楊冪阻止? 劉丹:唔想小糯米上節目曝光

有指楊冪不想女兒曝光。(資料圖片)