阮政峰唔認極速換畫

在《愛．回家之開心速遞》演「池子孝」的阮政峰，曾與「Bonnie」林凱恩拍拖，二人分手後，阮政峰戀上咖啡師圈外女友Liz，但拍拖半年便玩完。阮政峰近日被爆極速換畫，現與文青新女友蜜運。阮政峰昨日出席活動，大方承認有新女友：「我哋啱啱開始無耐，我汲取之前教訓，覺得放上網對大家都唔好，選擇盡量低調，希望大家祝福同保護我哋，都希望開花結果。」

阮政峰強調與前度Liz分手九個月後，才開始新戀情：「當時我好唔開心，好多嘢唔順利，咁啱佢（新女友）出現喺我生命，陪住我同幫我好多。（擔心被批評太快換畫？）人哋點諗控制唔到，女友唔介意，我哋溝通得好好。」他原本計劃拍拖一年才公開，但如今被爆戀情也不會介意。