【母女情深】媽媽不慎打爛女兒禮物不捨痛哭 孝順女網上求同款西瓜作母生日禮物

禮物的珍貴之處不在於價值，而是人與人之間的感情。有女網民近日發文分享，指其母親不慎打破其送贈的湯碗，竟傷心得痛哭至「泣不成聲」；事主見狀於心不忍，遂向網民發問尋找同款湯碗，希望可當作生日禮物送給母親。不少網民被事主的母女之情所感動，紛紛為事主獻計，甚至主動出讓同款產品。

該名女網民周二（6日）在Facebook群組「巴打絲打 Facebook Club」發帖，指當日放學甫回家，便看到母親坐在床邊哭得泣不成聲，更形容從未看過對方如此傷心，因而感到愕然。於是，她立即放下書包，走近母親身旁細問緣由：

「媽媽，係咪有啲咩令妳唔開心吖......有咩事都可以同我分享吓。」

離婚後與兩女繼續住夫家，港媽感激老爺奶奶照顧重新振作，「我點捨得令佢哋傷心」，詳情即睇：【下一頁】

其母親邊哭邊回應，原來她不小心打破了女兒所送贈的西瓜造型湯碗，令其一分為二。事主表示該湯碗已伴隨家人已久，自言看到母親傷心的模樣亦感到心痛，故希望重新購買一個同款的湯碗，當作生日禮物送給母親以作安慰，

「嚟緊佢都就嚟生日，我都睇得出佢真係好重視母女情嘅感情，所以我今日出post（帖文）係想問各位巴打（brother，意指「網民」），唔該有冇人有呢隻碗？我好想喺佢生日嗰陣送畀佢。」

網民：媽媽珍惜的是心意

帖文引起網民關注，不少人都被其母女情所感動，指母女之間感情比禮物價值更重要，「伯母真係好珍惜你送畀佢嘅嘢，好感動」、「有時啲嘢唔係金錢上嘅價值咁簡單，而係親情的無價寶呢！」許多網民亦紛紛獻計，提議事主網購新碗，甚至有人指自己家中有同碗湯碗且願意免費出讓。

亦有網民表示，事主母親重視的是女兒心意而非物質，著事主毋須執著尋找同款禮物，「我諗伯母珍惜嘅唔係呢款碗，而係呢隻碗嘅意義」、「媽媽是珍惜你的心意不是物件」、「整返個意義大過買隻新」。

航班停飛太掛住獨居英國嫲嫲，為見一面意國10歲童步行2735公里，詳情即睇：【下一頁】

每朝索取《晴報》：精明生活．健康家庭．開心娛樂

撰文：黎穎芯